جالعان پوليتسەيدى ۇستاۋ وپەراتسياسىن قوستاناي وبلىسى پد وزىندىك قاۋىپسىزدىك جانە ۇيىمداسقان قىلمىسقا قارسى كۇرەس باسقارمالارىنىڭ قىزمەتكەرلەرى جۇرگىزدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
– پوليتسياعا وبلىس ورتالىعىنىڭ تۇرعىنىنان ءوتىنىش كەلىپ ءتۇستى. ول ءوزىن ۇيىمداسقان قىلمىسقا قارسى كۇرەس بولىمشەسىنىڭ قىزمەتكەرى دەپ تانىستىرعان بەلگىسىز ەر ادامنىڭ اقشا بوپسالاعانىن حابارلادى. ءوتىنىش بەرۋشىنىڭ بارلىق دالەلدەرى مۇقيات تەكسەرىلىپ, راستالدى, – دەدى قوستاناي وبلىسى پد وزىندىك قاۋىپسىزدىك باسقارماسى باستىعىنىڭ ورىنباسارى قانات مەڭدىباەۆ.
تەكسەرۋ كەزىندە كۇدىكتىنىڭ قوستانايعا كەلگەن اقمولا وبلىسىنىڭ تۇرعىنى ەكەنى انىقتالدى. ول جابىرلەنۋشىنى قىلمىستىق جاۋاپكەرشىلىككە تارتۋمەن جانە زياندى مالىمەتتەردى تاراتۋمەن قورقىتتى. وسىلايشا ول ەكى ميلليون تەڭگەدەن استام قاراجاتتى زاڭسىز العان.
– بىرلەسكەن جەدەل ءىس-شارالار ناتيجەسىندە قوستاناي وبلىسى پد ۇيىمداسقان قىلمىسقا قارسى كۇرەس جانە وزىندىك قاۋىپسىزدىك باسقارمالارىنىڭ قىزمەتكەرلەرى 27 جاستاعى كۇدىكتىنى قوستاناي قالاسىنداعى جالدامالى پاتەرلەردىڭ بىرىندە ۇستادى. قازىرگى ۋاقىتتا ول سوتپەن تۇتقىندالدى, تەرگەۋ امالدارى جۇرگىزىلۋدە, – دەپ قورىتىندىلادى سەرىك بايعونوۆ.