سولتۇستىك قازاقستاندا سوڭعى ەكى تاۋلىك ىشىندە 11 ماس جۇرگىزۋشى ۇستالدى, دەپ حابارلايدى Egemen.kz.
ەكى كۇن ىشىندە سولتۇستىكقازاقستاندىق پوليتسەيلەر ۇيلەردى, ساياجايلاردى جانە قاراۋسىز قالعان عيماراتتاردى اينالىمنان وتكىزدى. ناتيجەسىندە مىڭعا جۋىق ءتۇرلى اكىمشىلىك قۇقىق بۇزۋشىلىق انىقتالدى. ولاردىڭ كوبىسى تىركەۋسىز نەمەسە جەكە باسىن كۋالاندىراتىن قۇجاتتىڭ بولماۋىنا بايلانىستى.
قوعامدىق ورىنداردا الكوگولدىك ىشىمدىك ءىشۋ جانە ماس كۇيدە ءجۇرۋدىڭ 199 فاكتىسى انىقتالدى. ۇساق بۇزاقىلىقتىڭ 88 فاكتىسى تىركەلدى. جول قاۋىپسىزدىگىن قامتاماسىز ەتۋ بولىگىندە ءىس-شارا بارىسىندا قۇقىق بۇزۋشىلىقتاردىڭ باسىم بولىگى جاياۋ جۇرگىنشىلەر تاراپىنان انىقتالدى.
ەكى كۇندە 180 زاڭبۇزۋشىلىق تىركەلدى. جىلدامدىقتى شەكتەن اسىرۋدىڭ 58 فاكتىسى انىقتالدى. تەك سوڭعى تاۋلىكتە وبلىس جولدارىندا 5, جالپى ەكى تاۋلىكتە 11 ماس جۇرگىزۋشى ۇستالدى.
«كولىك ءتارتىبىنىڭ ساقتالۋىنا باقىلاۋ كۇشەيتىلەدى. وبلىستا اۋا رايى ماۋسىمارالىق كەزەڭگە بايلانىستى ناشارلايدى. جۇرگىزۋشىلەر مەن جاياۋ جۇرگىنشىلەردەن بارلىق ەرەجەلەردى بارىنشا قاتاڭ ساقتاۋدى سۇرايمىز», دەدى سقو پد جەرگىلىكتى پوليتسيا قىزمەتى باسقارماسىنىڭ باسشىسى ايدىن بايماتوۆ.