الماتى اكىمى ەربولات دوساەۆ مەگاپوليس تۇرعىندارىنا ءۇي جانۋارلارىنا قامقورلىق جاساۋعا شاقىردى, دەپ حابارلايدى Egemen.kz.
«قازاقستان جانۋارلاردى قورعاۋ جونىندەگى حالىقارالىق كونۆەنتسيالارعا قوسىلادى. مەن ءتورت اياقتى دوستاردىڭ يەلەرىن جاۋاپكەرشىلىككە شاقىرعىم كەلەدى. ستاتيستيكا كورسەتكەندەي, جانۋارلاردىڭ 60%-دان استامى كوشەدە قاراۋسىز قالادى. بۇل ءبىزدىڭ جاۋاپكەرشىلىگىمىز, ءبىز ولارعا قامقورلىق جاساۋىمىز كەرەك», دەدى قالا باسشىسى الماتىلىقتارعا.
دوساەۆتىڭ ايتۋىنشا, جانۋارلاردى اۋلاپ, چيپتەۋگە كوبىرەك قاراجات ءبولۋ قاجەت. اكىمنىڭ ايتۋىنشا, بۇل زاڭناماداعى وزگەرىستەرگە جانە جانۋارلاردى ۇستاۋدىڭ حالىقارالىق ستاندارتتارىنا سايكەس كەلۋ قاجەتتىلىگىنە بايلانىستى.
ء«بىز يتتەردى ۇستاعاننان كەيىن ولاردى ءبىراز ۋاقىت باسپانادا ۇستايمىز. مەن المالى اۋدانىنىڭ اكىمىنە الداعى اپتادا قوسىمشا جۇمىس جۇرگىزۋ ءۇشىن تاپسىرما بەرەمىن. بيىل ارنايى كولىك پەن ارنايى قۇرالدار ساتىپ الىندى», دەپ تۇيىندەدى ەربولات دوساەۆ.