ەلوردادا «ۇزدىك جاس وتباسى» بايقاۋىنا ءوتىنىم قابىلدانا باستادى

كونكۋرسقا 29 جاسقا تولماعان ەرلى-زايىپتىلار (ەرلى-زايىپتىلاردىڭ ءبىرى 29 جاسقا تولماعان بولۋى كەرەك) قاتىسا الادى.

بايقاۋدىڭ ماقساتى – جاس وتباسىلار اراسىندا مادەنيەت, سالت-ءداستۇر مەن ادامگەرشىلىك قۇندىلىقتار نەگىزىندە نەكە جانە وتباسى ينستيتۋتىن نىعايتۋ.

كونكۋرستىڭ مىندەتتەرى:

ءداستۇرلى وتباسىلىق قۇندىلىقتاردى جانە وتباسىنا دەگەن جاۋاپكەرشىلىكپەن قاراۋدى ناسيحاتتاۋ; جاستار اراسىندا ۇلتتىق, مادەني داستۇرلەر مەن وتباسىلىق اۋلەتتەرگە قۇرمەت; جاس وتباسىلاردىڭ ءومىر ءسۇرۋ ساپاسىن ارتتىرۋ; سالاۋاتتى وتباسىلىق دەمالىستى ۇيىمداستىرۋ; وتباسىلاردىڭ شىعارماشىلىق الەۋەتىن اشۋعا جاردەمدەسۋ; جاس وتباسىلارعا قولايلى كوڭىل كۇي سىيلاۋ; مادەني مۇرانى جانە قوعامنىڭ ۇزدىك داستۇرلەرىن ساقتاۋ.

وتباسىلار كەلەسى جۇلدەلەرگە يە بولا الادى:

1 ورىن – 500 000 تگ 2 ورىن – 350 000 تگ 3 ورىن – 250 000 تگ

ءوتىنىش بەرۋ ءۇشىن Telegram مەسسەندجەرى ارقىلى 8777 010 4240 نومىرىنە كەلەسى قۇجاتتاردى جىبەرۋ قاجەت.

سكانەرلەنگەن نەكە تۋرالى كۋالىك.  سكانەرلەنگەن ەرلى-زايىپتىلاردىڭ ەكەۋىنىڭ جەكە كۋالىگى.  بايلانىس مالىمەتتەرى. Instagram اككاۋنتى. «نەلىكتەن ءبىز بۇل سايىستا جەڭىسكە جەتۋىمىز كەرەك» تاقىرىبىنا بەينەروليك.