سولتۇستىك قازاقستان وبلىسىندا ەلىك اتقان براكونەرلەر ۇستالدى, دەپ حابارلايدى Egemen.kz.
قىزىلجار اۋدانىنىڭ پوليتسەيلەرىنە جالتىر كولىنىڭ ماڭىندا Kia Sorento جول تالعامايتىن كولىگىندە بەلگىسىز بىرەۋلەر مال ەتىن كەسىپ جاتقانى تۋرالى حابارلاما تۇسكەن. پوليتسيا دەپارتامەنتى جەدەل-ىزدەستىرۋ توبىنىڭ قىزمەتكەرلەرى ءتورت ەر ادامدى ۇستادى. ولار ۋاقىتشا ۇستاۋ يزولياتورىنا قامالدى.
«ۇستالعانداردىڭ ەكى ءسىبىر ەلىگىن اتىپ, باۋىزداعانى انىقتالدى. سونداي-اق ولاردان ەكى پىشاق, Vepr ماركالى كارابيندەر, تەگىس ۇڭعىلى مىلتىق پەن پاتروندار تاركىلەندى», دەپ حابارلادى سقو پد ءباسپاسوز قىزمەتى.
اتالعان فاكتى بويىنشا قر قك 4-بولىگى بويىنشا سوتقا دەيىنگى تەرگەۋ امالدارى باستالدى. قر قك 337-بابى (زاڭسىز اڭشىلىق) بويىنشا ساراپتامالار تاعايىندالۋدا.