سقو-دا جول اپاتىنان ەكى ادام قازا تاپتى

9 قىركۇيەك كۇنى ءتۇستى ۋاقىتتا «جەزقازعان – پەتروپاۆل» رەسپۋبليكالىق تاس جولىنىڭ 785 شاقىرىمىندا شال اقىن اۋدانى سەرگەەۆكا قالاسىنا جاقىن جەردە Audi C4 كولىگى مەن اۋداننىڭ 24 جاستاعى تۇرعىنى باسقارعان Shacman جۇك كولىگى سوقتىعىسقان.

جول-كولىك وقيعاسى سالدارىنان Audi جۇرگىزۋشىسى مەن جولاۋشىسى, تيميريازەۆ اۋدانىنىڭ 54 جانە 40 جاستاعى تۇرعىندارى جەدەل جاردەم كەلگەنشە قايتىس بولدى.

اتالعان فاكتى قر قىلمىستىق كودەكسىنىڭ 345-بابىنىڭ 4-بولىگى (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىندە تىركەلگەن.

قاجەتتى ساراپتامالار تاعايىندالدى, ولاردىڭ ناتيجەسى بويىنشا تۇپكىلىكتى پروتسەسسۋالدىق شەشىم قابىلداناتىن بولادى.