سقو-دا 7 اي ىشىندە «بانكتەن قوڭىراۋ شالۋ» جولىمەن جاسالعان 129 ينتەرنەت-الاياقتىق تىركەلدى, دەپ حابارلايدى Egemen.kz.
پوليتسەيلەر بۇل الاياقتاردىڭ قولداناتىن اسا قاۋىپتى الداۋ جولى ەكەنىن اتاپ ءوتتى, سالدارىنان جابىرلەنۋشىلەرگە 100 مىڭنان 1 ميلليون تەڭگەگە دەيىن شىعىن كەلتىرىلگەن.
وبلىستىڭ اۋىلشارۋاشىلىق كاسىپورىندارى ءبىرىنىڭ باسشىسى پوليتسياعا ينتەرنەت-الاياقتىق تۋرالى ارىزبەن جۇگىندى. وعان 2 تامىز كۇنى بانكتىڭ قاۋىپسىزدىك قىزمەتىنىڭ قىزمەتكەرى اتىنان بەلگىسىز قىلمىسكەر قوڭىراۋ شالعان. ول ونىڭ اتىنا بىرەۋلەردىڭ ءىرى كولەمدە نەسيە رەسىمدەۋگە ارەكەت جاساپ جاتقانى تۋرالى جانە بۇعان جول بەرمەۋ ءۇشىن بارلىق قاراجاتتى «قاۋىپسىز شوتقا» اۋدارۋ قاجەتتىگى تۋرالى ايتقان. الاياقتارعا سەنگەن جابىرلەنۋشى ءوزىنىڭ دەپوزيتىنەن 15 ميلليون تەڭگەنى الىپ, ولاردىڭ كورسەتكەن شوتىنا اۋدارعان, بۇل شوت شىن مانىندە الاياقتارعا تيەسىلى بولعان. كەيىن ەر ادام پوليتسەيلەرگە وسىنداي الداۋ ءتاسىلى تۋرالى ەستىگەنىن ايتقان. الاياقتاردىڭ سەنىمدى, كاسىبي تەرميندەردى قولدانا وتىرا ساۋاتتى سويلەۋى ونى جالعان سوزگە سەندىرگەن.
«اتالعان دەرەك قر قىلمىستىق كودەكسىنىڭ 190-بابى 4-بولىگى (الاياقتىق) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. ينتەرنەت-الاياقتىقتى اشۋ كەزىندە كوپتەگەن قيىندىقتار كەزدەسەدى, كوپ جاعدايدا جەلىدەگى الاياقتار باسقا مەملەكەتتەردە, باسقا وڭىرلەردە بولادى. پوليتسيا قىزمەتكەرلەرى حالىقپەن ءتۇسىندىرۋ جۇمىستارىن جۇرگىزەدى. باستى كەڭەس: «بانكتەن قوڭىراۋ شالعاندارعا» سەنبەۋ, تاپجىلماي سويلەسۋدى توقتاتۋ. ەگەردە ءوز قاراجاتىڭىزعا قاتىستى كۇمانىڭىز بولسا, بانك بولىمشەسىنە بارىڭىز. وتىرىكتىڭ بەتىن اشۋ ءۇشىن قىلمىسكەرلەر ءوزىن تانىستىرعان كەزدە اتاعان ۇيىمعا رەسمي نومىرلەرى بويىنشا حابارلاسىڭىزدار. ءوزىڭىزدىڭ قۇپيا جانە قارجى مالىمەتتەرىڭىزدى, ءپارولدى, sms بويىنشا كەلگەن cvv جانە پين-كودتى ەشكىمگە ايتپاڭىزدار», دەدى سقو پد باستىعىنىڭ ورىنباسارى رۋسلان نازاروۆ.