قوستاناي وبلىسىندا جوعالعان بەس جاسار قىز تىكۇشاقتىڭ كومەگىمەن ىزدەستىرىلىپ جاتىر, دەپ حابارلايدى Egemen.kz.
«جامبىل اۋىلىندا جوعالىپ كەتكەن بەس جاسار قىزدى ىزدەۋ جۇمىستارى تىكۇشاق ارقىلى جۇرگىزىلۋدە. ءدال وسى ۋاقىتتا ءبىز قىزدىڭ اناسىمەن اۋماقتى اينالىپ شولىپ ءجۇرمىز», دەدى قوستاناي وبلىسى ءىىد پوليتسيا باسقارماسىنىڭ باستىعى ەرلان وماربەكوۆ Facebook جەلىسىندەگى پاراقشاسىندا.
سونىمەن قاتار ول ىزدەۋ جۇمىستارىنا اتسالىسىپ جاتقان ەرىكتى ازاماتتار بارىن ايتتى.
ء«بىرىنشى مينۋتتان-اق ەرىكتىلەر, اۋىل تۇرعىندارى, جاي عانا قامقور ادامدار پوليتسەيلەرگە كومەك كورسەتىپ جاتىر. بۇل ءۇشىن سىزدەرگە ەڭ الدىمەن اكە رەتىندە العىس ايتامىن. بۇگىن ءبارىمىز بالا ءۇشىن الاڭداۋلىمىز. ءبىز ونى تابۋ ءۇشىن بار كۇشىمىزدى سالامىز. ىزدەستىرۋ جۇمىستارىنىڭ بارىسى تۋرالى حابارلاپ وتىرامىن», دەدى ە.وماربەكوۆ.