الماتىلىقتاردى 15 ميلليون تەڭگەگە الداپ كەتكەن الاياق قاماۋعا الىندى, دەپ حابارلايدى Egemen.kz.
الاتاۋ اۋدانىنىڭ پوليتسيا قىزمەتكەرلەرى 30 جاستاعى ازامات ە.-گە قاتىستى قر قك-ءنىڭ 190-بابى 3-بولىگى بويىنشا قىلمىستىق ءىس قوزعادى.
«ەر ادام الماتىنىڭ بىرنەشە تۇرعىنىن الدادى دەگەن كۇدىككە ءىلىندى. ونىڭ ارەكەتىنەن كەلتىرىلگەن جالپى ماتەريالدىق شىعىن شامامەن 15 ميلليون تەڭگە. كۇدىكتى ءوزىن دوڭگەلەكتەر مەن ديسكتەردى تەك كوتەرمە جەتكىزۋشى رەتىندە تانىستىرعان. الام دەۋشىلەرگە تىكەلەي قويمادان ارزان باعاداعى تاۋاردى الىپ بەرۋگە ۋادە بەرىپ, تاۋار تولەمىن الدىن الا الىپ وتىرعان. ول تاۋاردىڭ كولەمىنە قاراي 500 مىڭنان 6 ميلليون تەڭگەگە دەيىن العان. بۇگىنگى كۇنى ونىڭ ۇستىنەن 12 ازاماتتان پوليتسياعا ارىز ءتۇستى», دەدى الاتاۋ اۋداندىق پوليتسيا باسقارماسىنىڭ باستىعى ءىلياس ومىرسەرىكوۆ.
كۇدىكتى ۋاقىتشا ۇستاۋ يزولياتورىنا قامالدى.