ىشكى ىستەر مينيسترلىگىنىڭ وكىلى شۇعىلا تۇرلىبەك قازاقستاندىقتار ءبىر ايدا پوليتسياعا 1272 اتىس قارۋىن تاپسىرعانىن ايتتى, دەپ حابارلايدى Egemen.kz.
شۇعىلا تۇرلىبەكتىڭ ايتۋىنشا, اكتسيا باستالعان ايدىڭ ىشىندە تۇرعىندار پوليتسياعا 1272 دانا اتىس قارۋىن ءوز ەركىمەن تاپسىرعان. ونىڭ ىشىندە, 1 ويىق ۇڭعىلى اۆتومات, 188 ۇزىن ويىق ۇڭعىلى مىلتىق, 4 قىسقا ويىق ۇڭعىلى اۆتومات, 1067 تەگىس ۇڭعىلى مىلتىق, 12 تراۆماتيكالىق قارۋ, 5 جارىلعىش قۇرىلعى جانە ويىق ۇڭعىلى مىلتىقتىڭ 9,5 مىڭعا جۋىق وعى بار.
ايتا كەتەيىك, ءوز ەركىمەن تاپسىرىلعان قارۋدىڭ جاي-كۇيىنە قاراي ءار داناسى ءۇشىن 10 ايلىق ەسەپتىك كورسەتكىشتەن (31 800 تەڭگە – رەد) 100-اەك-كە دەيىن (318 000 تەڭگە –رەد.) تولەم كوزدەلگەن.