تارباعاتاي تۇرعىنى 700 كەلىدەن استام كوكسەركە بالىعىن زاڭسىز تاسىمالداعان, دەپ حابارلايدى Egemen.kz.
شىعىس قازاقستان وبلىسىنىڭ پوليتسەيلەرى ءتيىستى قۇجاتتارسىز كوپ مولشەردە بالىق تاسىمالداعان ەر ادامدى ۇستادى.
ماۋسىم ايىنىڭ ورتاسىندا پاترۋلدىك پوليتسيا قىزمەتكەرلەرى پاترۋلدەۋ كەزىندە رەسپۋبليكالىق ماڭىزى بار ومبى-مايقاپشاعاي اۆتوجولىندا, كوكپەكتى اۋىلىنا كىرەبەرىستە Toyotا اۆتوكولىگىن توقتاتقان.
تەكسەرۋ بارىسىندا تارباعاتاي اۋدانىنىڭ تۇرعىنى – 32 جاستاعى جۇرگىزۋشىنىڭ رۇقسات قۇجاتىنسىز 745 كەلىدەن استام بالىق, ونىڭ ىشىندە 713, 85 كەلى كوكسەركە, التى كيلوگرامنان استام شورتان جانە 20 كيلوگرامنان استام موڭكە بالىعىن تاسىمالداعانى انىقتالدى.اتالعان فاكتى بويىنشا تارباعاتاي اۋدانىنىڭ 32 جاستاعى تۇرعىنىنا قاتىستى قر قك 335-بابى 1-بولىگى بويىنشا سوتقا دەيىنگى تەرگەۋ باستالدى.
ايتا كەتۋ كەرەك, بۇل ومبى-مايقانشاعاي تاس جولىندا بالىقتى زاڭسىز تاسىمالداعان العاشقى جاعداي ەمەس. وسىعان بايلانىستى شقو پوليتسيا دەپارتامەنتى بالىق رەسۋرستارىن, باسقا دا سۋ جانۋارلارىن نەمەسە وسىمدىكتەردى زاڭسىز اۋلاعانى ءۇشىن 5 جىلعا دەيىن باس بوستاندىعىنان ايىرۋ جازاسى قاراستىرىلعانىن ەسكەرتەدى.
ايانا توعانبەك