بۇل تۋرالى الماتى قالاسى اكىمى ەربولات دوساەۆ ءمالىم ەتتى, دەپ حابارلايدى Egemen.kz.
«بيىل ماۋلەنوۆ كوشەسىندە جاڭا كىتاپحانانى اشتىق, وندا كوۆوركينگ ايماعى مەن بالالاردى دامىتۋ ورتالىعى جۇمىس ىستەيدى. وسىلايشا, اۋدان كىتاپحانالارىنىڭ جالپى سانى 8-گە جەتتى. اۋدان كىتاپحانالارى 10 پارك پەن سكۆەرلەردە بالالار مەن جاسوسپىرىمدەرگە ارنالعان ويىن-ساۋىق باعدارلامالارى بار «جارقىن جاز» ماۋسىمدىق جوباسىن ىسكە اسىرىپ جاتىر», دەدى قالا اكىمى ەربولات دوساەۆ.
سونىمەن قاتار ول بيىل رايىمبەك باتىر كەسەنەسى جاڭعىرتىلاتىنىن اتاپ ءوتتى. جوندەۋ جۇمىستارى 2023 جىلى اياقتالادى.