مەملەكەت باسشىسى قاسىم-جومارت توقاەۆ مەديتسينا قىزمەتكەرلەرىن كاسىبي مەرەكەسىمەن قۇتتىقتادى, - دەپ حابارلايدى Egemen.kz.
«بارشاڭىزدى مەديتسينا قىزمەتكەرى كۇنىمەن قۇتتىقتايمىن! سىزدەر ادامگەرشىلىك پەن ىزگىلىك مۇراتتارىنا قالتقىسىز قىزمەت ەتىپ كەلەسىزدەر.
قوعامىمىز دارىگەر پارىزىنىڭ ەرەكشە ءمان-ماڭىزىنا كۇن وتكەن سايىن كوز جەتكىزۋدە. كوپتەگەن دارىندى جاستار وسى ماماندىقتى يگەرۋگە ۇمتىلىپ جاتىر.
مەملەكەت مەديتسينا قىزمەتكەرلەرىنە جان-جاقتى قولداۋ كورسەتىپ, دەنساۋلىق ساقتاۋ سالاسىن دامىتۋعا باسا نازار اۋدارادى. ۇلت ساۋلىعى – جاڭا ادىلەتتى قازاقستاندى قۇرۋ جولىنداعى مەملەكەتتىك ساياساتىمىزدىڭ اسا ماڭىزدى باعىتى.
سىزدەرگە ەرەن ەڭبەكتەرىڭىز, گيپپوكرات انتىنا ادالدىقتارىڭىز ءۇشىن شىن جۇرەكتەن ريزاشىلىعىمدى بىلدىرەمىن.
بارشاڭىزعا زور دەنساۋلىق, باق-بەرەكە تىلەيمىن!», دەپ جازىلعان قاسىم-جومارت توقاەۆتىڭ قۇتتىقتاۋىندا.