وزگە ەلدەرمەن سالىستىرعاندا قازاقستاندىقتارعا ەڭبەكاقى تولەۋدىڭ ۇلەسى تومەن. بۇلتۋرالى قر پرەمەر-ءمينيسترى ءاليحان سمايىلوۆ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتتى, دەپ حابارلايدى Egemen.kz.
جالاقى تولەۋدەگى سايكەسسىزدىكتى ەڭبەك نارىعىنا جۇرگىزىلگەن ساراپتاما كورسەتكەن.
«2021 جىلى جالپى ىشكى ءونىم قۇرىلىمىندا وزگە ەلدەرمەن (رەسەيدە – 46,7, بەلارۋستا – 49,7, ەۋروپالىق وداقتا 47,9 پايىز) سالىستىرعاندا جۇمىسشىلارعا ەڭبەكاقى تولەۋدىڭ تومەن ۇلەسى بايقالادى – 30,9 پايىز. بۇل ەڭبەكاقى تولەۋدەگى سايكەسسىزدىككە, جاسىرىن جۇمىسسىزدىقتىڭ بولۋىنا جانە سونىڭ سالدارىنان جۇمىس ىستەيتىن كەدەيلەردىڭ (قازاقستاندا - 32,7, ازەربايجاندا – 39,7, رەسەيدە - 30,7, گرەكيادا – 13,4 پايىز) ارتۋىنا نەگىزدەلەدى», دەلىنگەن ۇكىمەت باسشىسىنىڭ جاۋابىندا.
ونىڭ ايتۋىنشا, ساراپتامالىق جۇمىستاردى جۇرگىزۋگە جانە ونىڭ قورىتىندىلارىن تالقىلاۋعا «ەكونوميكالىق زەرتتەۋلەر ينستيتۋتى» اق, «اتامەكەن» ۇكپ ساراپشىلارى, ەكونوميكا سالاسىنداعى تاۋەلسىز ساراپشىلار قاتىسقان.
«ساراپتامالىق جۇمىستىڭ قورىتىندىسى مۇددەلى تاراپتاردىڭ, سونداي-اق پارلامەنت دەپۋتاتتارىنىڭ قاتىسۋىمەن 2025 جىلعا دەيىن حالىقتىڭ تابىسىن ارتتىرۋ باعدارلاماسىن ازىرلەۋ جونىندەگى تۇراقتى جينالىستاردا بىرنەشە مارتە تالقىلاندى», دەيدى ءاليحان سمايىلوۆ.