قوستانايدا ەسىرتكى قىلمىسىنا قارسى ءىس-قيمىل ءبولىمىنىڭ پوليتسيا قىزمەتكەرلەرى 35 جاستاعى ايەلدەن وسىمدىك تەكتەس 15 پوليەتيلەن تۇيىنشەگىن تاپتى, دەپ حابارلايدى Egemen.kz.
«ساراپتاما قورىتىندىسىنا سايكەس تابىلعان زات سالماعى ءبىر كيلوگرامنان اساتىن ەسىرتكى بولىپ شىقتى», دەدى قوستاناي وبلىسىنىڭ پوليتسيا دەپارتامەنتى.
سول كۇنى پوليتسەيلەر وبلىس ورتالىعىنىڭ 39 جاستاعى تۇرعىنىن ۇستادى. كۇدىكتى قالا اۋماعىندا ەسىرتكى ساتۋمەن اينالىسقان. قىزمەتتىك ءيتتىڭ كومەگىمەن ءتىنتۋ بارىسىندا ونىڭ پاتەرىنەن ەكى كيلوگرامنان استام ماريحۋانا تاركىلەندى.
جىل باسىنان بەرى وڭىردە ەسىرتكىگە بايلانىستى 141 قىلمىس پەن قۇقىق بۇزۋشىلىق انىقتالدى. تاركىلەنگەن ەسىرتكى قۇرالدارىنىڭ جالپى سالماعى 12 كيلوگرامنان استى.
ايانا توعانبەك