شقو-دا جىل باسىنان بەرى پروباتسيا قىزمەتىنەن جاسىرىنعان 20-عا جۋىق سوتتالعان ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
شىعىس قازاقستان وبلىسىنىڭ پروباتسيا قىزمەتىنىڭ قىزمەتكەرلەرى دەمالىس جانە مەرەكە كۇندەرى كۇشەيتىلگەن تۇردە قىزمەت اتقارادى.
وسىلايشا پوليتسيا قىزمەتكەرلەرىمەن بىرگە پروباتسيا قىزمەتىنىڭ قىزمەتكەرلەرى وسى جىلدىڭ ءتورت ايىندا 20-عا جۋىق ەسەپكە الىنعان ادامداردى ىزدەستىردى, ولار پروباتسيا قىزمەتىنىڭ باقىلاۋىنان ادەيى جاسىرىنعان.
پەنيتەنتسيارلىق جۇيەنىڭ قىزمەتكەرلەرى كريمينالدىق پوليتسيا قىزمەتكەرلەرىمەن بىرلەسىپ, ىزدەۋدە جۇرگەن ادامداردى ۇستاۋ بويىنشا جۇمىس جۇرگىزدى. سوت ۇكىمىمەن بوستاندىقتا تۇزەلۋ مۇمكىندىگى بەرىلگەن ەسەپكە الىنعان ادامدار پروباتسيا قىزمەتىنە تىركەلۋ ءۇشىن كەلۋگە, تۇرعىلىقتى جەرىنىڭ وزگەرگەنى تۋرالى, سونداي-اق تۇراتىن جەرىنىڭ شەگىنەن تىس جەرگە جوسپارلاناتىن ساپارلار تۋرالى حاباردار ەتۋگە مىندەتتى. الايدا سوتتالعاندار سوت ۇكىمىنە قاراماستان, جازانى وتەۋ شارتتارىن ءجيى بۇزادى جانە جازانى وتەۋدەن جالتارادى.
«جاقىن ارادا ەسەپتە تۇرعان ادامدارعا جازاسىن وتەۋدەن جالتارۋ قيىن بولادى. وسى جىلدىڭ ءساۋىر ايىنان باستاپ ولارعا ەلەكتروندى بىلەزىك تاعىلا باستالدى, ونىڭ كومەگىمەن پروباتسيا قىزمەتىنىڭ قىزمەتكەرلەرى جاسىرىنىپ قالعان ەسەپكە الىنعان ادامداردىڭ تۇرعان جەرىن وڭاي انىقتاي الادى», دەدى سولجاعالاۋ اۋدانىنىڭ پروباتسيا قىزمەتىنىڭ اعا ينسپەكتورى ەراسىل تولەگەنوۆ.
وسىلايشا كريمينالدىق پوليتسيامەن بىرگە پروباتسيا قىزمەتىنىڭ قىزمەتكەرلەرى ۇيلەسىمدى جۇمىس جۇرگىزدى, ناتيجەسىندە 20-عا جۋىق ەسەپكە الىنعان ادامدار ۇستالدى.
ايانا توعانبەك