بۇگىن «مەن – وتانىمنىڭ قورعاۋشىسىمىن, مەن – دونورمىن» اكتسياسى باستالدى. وعان قوستاناي پوليتسەيلەرى دە قوسىلدى. العاشقى كۇنى قوستاناي وبلىسى پد-نىڭ 50-دەن استام قىزمەتكەرى قان تاپسىردى, دەپ حابارلايدى Egemen.kz قر ءىىم حابارلاماسىنا سۇيەنىپ.
ءىس-شاراعا قوستاناي وبلىسى پد ءتۇرلى قۇرىلىمدىق بولىمشەلەرىنىڭ پوليتسيا قىزمەتكەرلەرى قاتىستى. اكتسياعا قاتىسۋشىلاردىڭ اراسىندا تۇراقتى تۇردە قان تاپسىراتىندار دا, قوستاناي قالاسىنىڭ وبلىستىق قان ورتالىعىنا العاش رەت كەلگەندەر دە بار.
«مەنىڭ قانىم ەكىنشى وڭ قان توبىنا جاتادى جانە مەن دونور رەتىندە بەسىنشى جىل قان تاپسىرىپ جاتىرمىن. ادامدارعا كومەكتەسۋدىڭ مۇنداي مۇمكىندىگى وتە ماڭىزدى ەكەنىنە سەنىمدىمىن», دەيدى اقپاراتتاندىرۋ جانە بايلانىس باسقارماسىنىڭ قىزمەتكەرى رۋسلان جىلقىباەۆ.
«پوگوندارداعى دونورلار» قوستانايلىقتار دا ولاردان ۇلگى الىپ, اكتسياعا قوسىلادى دەپ ۇمىتتەنەدى. اۋىر اۋرۋلارى جوق كەز كەلگەن ادام دونور بولا الادى. ىشكى ىستەر ورگاندارىنىڭ قىزمەتكەرلەرى ۇنەمى مەديتسينالىق تەكسەرۋدەن وتەدى, دەنە دايىندىعى جاقسى, سوندىقتان مەديتسينا قىزمەتكەرلەرى ەرىكتى پوليتسيا قىزمەتكەرلەرىن كورۋگە قۋانىشتى.
«تۇراقتى قان تاپسىرۋ ءال-اۋقاتتىڭ جاقسارۋىنا ىقپال ەتەدى, بۇكىل اعزانىڭ جۇمىسىن جاقسارتادى. قان تاپسىرۋ 10-15 مينۋتتى عانا الادى, بىراق الدىمەن ساۋالنامانى تولتىرۋ كەرەك, بىزدە مەديتسينالىق تەكسەرۋدەن ءوتۋ كەرەك. ەرلەرگە جىلىنا 6 رەت, ال ايەلدەرگە 4 رەت تاپسىرۋعا بولادى», دەپ ءتۇسىندىردى دونورلاردى جيناقتاۋ بولىمشەسىنىڭ تەراپەۆتى ايسۇلۋ اتامبۋزوۆا.
دونورلىق قان جوسپارلى وپەراتسيالار جۇرگىزۋ ءۇشىن جانە قاجەت بولعان جاعدايدا شۇعىل وپەراتسيالىق ارالاسۋ ءۇشىن بەرىلەدى. وبلىستىق قان ورتالىعى دارىگەرىنىڭ ايتۋىنشا, ەڭ سيرەك قان توبى – 4 توپ, ال ەڭ كوپ تاراعانى – 1 جانە 2 وڭ قان توبى.
«مەن – وتان قورعاۋشىسىمىن, مەن – دونورمىن» اكتسياسى 6 مامىرعا دەيىن جالعاسادى.