شىمكەنتتە پاترۋلدىك پوليتسيا پولكىنىڭ روتا كومانديرى ۇستالدى, دەپ جازادى Egemen.kz قر سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە بەرىپ.
«جاقىندا شىمكەنت قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتى پاترۋلدىك پوليتسيا پولكىنىڭ 4-روتا كومانديرىنىڭ قىلمىستىق ارەكەتى توقتاتىلدى.
ول جۇيەلى نەگىزدە قاراماعىنداعى قىزمەتكەرلەردەن قىزمەتى بويىنشا جالپى قامقورلىعى ءۇشىن پارا الدى (قىلمىستىق كودەكستىڭ 366-بابى بويىنشا)» دەلىنگەن حابارلامادا.
مالىمەتكە ساي, 27 ساۋىرىندە ارنايى جەدەل-ىزدەستىرۋ ءىس-شاراسى بارىسىندا شىمكەنت قالاسى پد ابب-مەن بىرلەسىپ, قاراماعىنداعى قىزمەتكەرلەردەن كەزەكتى پارا العاننان كەيىن كۇدىكتى ۇستالىپ, ۋاقىتشا ۇستاۋ يزولياتورىنا قامالدى.
29 ساۋىردە شىمكەنت قالاسىنىڭ مامانداندىرىلعان تەرگەۋ سوتى وعان قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسىن سانكتسيالادى.