سولتۇستىك قازاقستان وبلىسىندا جولاۋشىلار تاسىمالىمەن اينالىساتىن شاعىن اۆتوبۋس جولدان شىعىپ كەتىپ, اعاشقا سوعىلدى. سالدارىنان 17 جاستاعى بويجەتكەن قازا بولدى, 5 ادام زارداپ شەكتى, دەپ حابارلايدى Egemen.kz.
سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 23 ءساۋىر كۇنى ساعات 14.00 كەزىندە «چەليابى-ءنوۆوسىبىر» اۆتوجولىنىڭ 557-شاقىرىمىندا «گاز-ا65R52» ماركالى كولىك جول اپاتىنا ۇشىرادى. سالدارىنان 2005 جىلى تۋعان بويجەتكەن وقيعا ورنىندا كوز جۇمدى. 5 ادام ءتۇرلى دەنە جاراقاتتارىمەن مەديتسينالىق مەكەمەلەرگە جەتكىزىلدى.
بۇل فاكتى قر قىلمىستىق كودەكسىنىڭ «كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى» بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
باستالعان سوتقا دەيىنگى تەرگەۋ اياسىندا پوليتسەيلەر جول-كولىك وقيعاسىنىڭ ءمان-جايى مەن سەبەپتەرىن انىقتايتىن بولادى. قاجەتتى ساراپتامالار تاعايىندالدى. وقيعاعا قاتىستى جازبا الەۋمەتتىك جەلىدە پايدا بولدى.
كۋاگەرلەردىڭ ايتۋىنشا, جول-كولىك اپاتى وبلىس ورتالىعىنان 20 كم جەردە, اسانوۆو ەلدى مەكەنىنىڭ ماڭىندا بولعان. پەتروپاۆل-گانكينو باعىتى بويىنشا جۇرەتىن كولىكتىڭ جۇرگىزۋشىسى ۇيىقتاپ كەتكەن دەگەن بولجام بار.