«استانا» جانە قازاقستان قۇراماسىنىڭ جارتىلاي قورعاۋشىسى يسلامبەك قۋات ەلوردالىق كوماندانىڭ نەگىزگى قۇرامىنىڭ جاتتىعۋىنان شەتتەتىلدى, دەپ حابارلايدى Egemen.kz.
«قۋات اۋىر ءتارتىپ بۇزعانى ءۇشىن جاسوسپىرىمدەر قۇراماسىنا اۋىستىرىلدى», دەپ جازدى Prosports.kz پورتالى.
ەسكە سالايىق, بۇعان دەيىن باق مۇنداي شەشىمدى «استانانىڭ» باس باپكەرى سردجان بلاگوەۆيچ قابىلداعانىن جازعان. وعان سەبەپ – شەتەلدىك ارىپتەسى دجەرەمي مانزوررومەن جانجال. بىراق فرانتسۋز فۋتبولشىسى جازالانبادى, بۇل «استانانىڭ» باسقا ويىنشىلارىنىڭ نارازىلىعىن تۋدىرعان.