ەۋروپانىڭ ءتورت پرەزيدەنتى ۋكراينا استاناسىنا بارادى, دەپ حابارلايدى Egemen.kz tengrinews.kz سايتىنا سىلتەمە جاساپ.
ليتۆا پرەزيدەنتى گيتاناس ناۋسەدا, پولشا پرەزيدەنتى اندجەي دۋدا, ەستونيا پرەزيدەنتى الار كاريس جانە لاتۆيا پرەزيدەنتى ەگيلس لەۆيتس ۋكراين باسشىسى ۆلاديمير زەلەنسكيمەن كەزدەسۋ ءۇشىن كيەۆكە بارادى.
ء«بىز كيەۆكە ساياسي قولداۋ كورسەتۋگە جانە اسكەري كومەك تۋرالى جاقسى حابارلاما الىپ بارامىز. ليتۆا ۋكراينانىڭ ەگەمەندىگى مەن بوستاندىعى ءۇشىن كۇرەسىن قولدايدى», دەپ جازدى گ. ناۋسەدا Twitter-دە.
سونداي-اق پولشا پرەزيدەنت اكىمشىلىگى ۋكراينا استاناسىندا ءتورت مەملەكەت باسشىلارى زەلەنسكيمەن كەزدەسەتىنىن راستادى.
ء«بىزدىڭ ماقساتىمىز - پرەزيدەنت زەلەنسكيدى جانە ۋكراينانىڭ قورعاۋشىلارىن وسى ەل ءۇشىن شەشۋشى ساتتە قولداۋ. بالتىق ەلدەرى وڭىردەگى قاۋىپسىزدىك ماسەلەلەرىندەگى ءبىزدىڭ نەگىزگى ارىپتەستەرىمىز. ءبىز كيەۆكە بىرگە بارامىز دەپ شەشتىك. پولشا ساپاردىڭ ۇيىمداستىرۋشىسى جانە ۋكراينامەن بىرگە ونىڭ لوگيستيكاسى مەن قاۋىپسىزدىگىن قامتاماسىز ەتەدى», دەدى حالىقارالىق ساياسات بيۋروسىنىڭ باسشىسى ياكۋب كۋموچ.