شانحايدا وتكەن تاۋلىكتە كوروناۆيرۋس جۇقتىرۋدىڭ 26 330 جاڭا جاعدايى تىركەلدى. بۇل جونىندە سارسەنبىدە قحر گيگيەنا جانە دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتى جاريالادى, دەپ حابارلايدى Egemen.kz.
ۆەدومستۆو تاراتقان مالىمەتكە قاراعاندا, ىندەت جۇقتىرعانداردىڭ اراسىندا كوروناۆيرۋس دياگنوزى تەك 1189 ادامدا راستالدى, قالعان 25 141 ادام – اسيمپتوماتيكالىق تاسىمالداۋشىلار.
قىتايدا پاندەميا باستالعالى بەرى COVID-19 دياگنوزى قويىلعان ناۋقاستاردىڭ جالپى سانى 167 مىڭنان استى, 140 مىڭنان استام ادام ساۋىعىپ, اۋرۋحانالاردان شىعارىلدى, 4638 ادام قايتىس بولدى.
كوروناۆيرۋستىڭ جاڭا تولقىنى ماتەريكتىك قىتايدىڭ كوپتەگەن اكىمشىلىك-اۋماقتىق بىرلىكتەرىن قامتىدى. 11 ساۋىردەگى جاعداي بويىنشا قىتايلىقتارعا كوروناۆيرۋسقا قارسى ۆاكتسينالاردىڭ 3,3 ميلليارد دوزاسى ەنگىزىلدى.