سولتۇستىك قازاقستان وبلىسىندا «سەۆكازەنەرگو» اق باس ديرەكتورى ۇستالدى, دەپ حابارلايدى Egemen.kz.
قاماۋعا الۋ فاكتىسىن پوليتسيا دەپارتامەنتىنىڭ ءباسپاسوز قىزمەتى راستادى.
ء«بىرىنشى ساۋىردە قر قىلمىستىق ءىس جۇرگىزۋ كودەكسىنىڭ 128-بابى تارتىبىندە سولتۇستىك قازاقستان وبلىسى پوليتسيا دەپارتامەنتىنىڭ قىزمەتكەرلەرى «سەۆكازەنەرگو» اق باس ديرەكتورى پەتروپاۆل قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى. قىلمىستىق ءىستى تەرگەۋ ءىىم, پروكۋراتۋرا جانە پوليتسيا دەپارتامەنتى باسشىلىعىنىڭ باقىلاۋىندا», دەپ ءتۇسىندىردى ءباسپاسوز قىزمەتى.
ەسكە سالا كەتسەك, 20 ناۋرىزدا پەتروپاۆل 2-جەو-دا ءۇش ءتۇتىن قۇبىرىنىڭ بىرەۋى ءىشىنارا قۇلادى. كاسىپورىن قىزمەتكەرى قايتىس بولدى, ونىڭ دەنەسى 22 ناۋرىز كۇنى تاڭەرتەڭ ۇيىندىلەردىڭ استىنان تابىلدى. سول كۇنى وبلىس پروكۋراتۋراسى پەتروپاۆل 2-جەو ديرەكتورى مەن باس ينجەنەرىنىڭ ۇستالعانىن حابارلادى.
پرەزيدەنت تەز ارادا وبلىس ورتالىعى مەن باسقا دا ەلدى مەكەندەردىڭ تۇرعىندارىنا جىلۋ بەرۋدى قامتاماسىز ەتۋدى تاپسىردى.
وبلىس اكىمى قۇمار اقساقالوۆ جىلۋمەن قامتۋ ءبىر تاۋلىك ىشىندە قالپىنا كەلتىرىلەتىنىن مالىمدەدى.