ماڭعىستاۋدا جول بويىنا «ەلەكتر باقتاشى» ورناتىلدى

«قازاۆتوجول» ۇك» ءباسپاسوز قىزمەتىنىڭ مالىمەتىنشە, بۇل قۇرىلعى جانۋارلارعا قاۋىپ توندىرمەيدى. توق كۇشى شامامەن 12 ۆولت. ورناتىلعان قۇرىلعىنىڭ جالپى ۇزىندىعى – 25 شاقىرىم. قۇرىلعى «دوسسور-قۇلسارى-بەينەۋ-سايوتەس-شەتپە-جەتىباي-اقتاۋ» اۆتوجولى مەن «جەتىباي-جاڭاوزەن» تاس جولى بويىندا ورناتىلعان.

ال بىلتىر رەسپۋبليكالىق ماڭىزى بار اۆتوجولدار بويىنا 14 دانا ءۇي جانۋارلارىنىڭ مۋلياجى (تۇيە, جىلقى) جانە 13 000 مەتر جول قورشاۋلارى قوسىمشا ورناتىلعان ەدى. مۋلياجدار جۇرگىزۋشىلەرگە جانۋارلاردىڭ كەنەتتەن جولدا بولۋى مۇمكىن ەكەنىن ەسكە سالۋعا ارنالعان.

جول قورشاۋلارى «دوسسور-قۇلسارى-بەينەۋ-سايوتەس-شەتپە-جەتىباي-اقتاۋ» اۆتوجولىنىڭ 673-674 شق 400 مەتر, 709   شق   2200   مەتر,   729   شق   400   مەتر,   738   شق   422   مەتر,   ال   «بەينەۋ-اقجىگىت-وزبەكستان   شەكاراسى» اۆتوجولىنىڭ 51-56 شق 9450 مەترىنە ورناتىلدى.