ۇكىمەتتىڭ كەڭەيتىلگەن وتىرىسىندا ەل پرەزيدەنتى قاسىم-جومارت توقاەۆ الماتى قالاسىن دامىتۋ ماسەلەلەرىن اتاپ ءوتتى, دەپ حابارلايدى Egemen.kz.
«الدىمىزدا وتە ۇلكەن, كۇردەلى مىندەتتەر تۇر. الماتى - ءبىز ءۇشىن ەرەكشە قالا, جالپى الەۋمەتتىك ماسەلەلەردى شەشۋگە باستى نازار اۋدارۋ كەرەك, ناعىز الماتىلىق رۋحتى جانداندىرىپ, تۇرعىندارعا كوتەرىڭكى كوڭىل-كۇي سىيلاۋ كەرەك», دەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.
سونداي-اق پرەزيدەنت ناۋرىز ايىندا الماتىعا جۇمىس ساپارىمەن بارۋدى جوسپارلاپ وتىرعانىن ايتتى.
«ناقتى ماسەلەلەردى ءبىز ناۋرىز ايىنىڭ باسىندا الماتىعا ساپار بارىسىندا تالقىلايتىن بولامىز. وندا شىن مانىندە پروبلەمالار بار - ولارمەن باقىتجان ساعىنتاەۆ اينالىستى, ءبىر جەردە العا جىلجۋعا ۇلگەردىم, ءبىر جەردە ءتۇرلى سەبەپتەر بويىنشا ۇلگەرمەدىم, شەشىم قابىلدامادىم. قالاي بولعاندا دا, باعىت دۇرىس الىندى - ءدال وسى باعىتتا قوزعالۋ كەرەك. الماتى جۇرتشىلىعىمەن تىعىز جۇمىس ىستەۋ كەرەك دەپ ويلايمىن. تاعى دا قايتالايمىن, ءبىز قاقتىعىس ماسەلەلەرىن جۇمىس ساپارىندا تالقىلاۋىمىز كەرەك», دەدى مەملەكەت باسشىسى.