اتىراۋداعى بۇل زاۋىتتا 76 جىلدان بەرى شيكىزاتتىق مۇناي وڭدەلەدى. زاۋىتتا وتكەن جىلى 5 ملن 473,5 مىڭ توننا شيكى مۇناي وڭدەلدى, دەپ حابارلايدى Egemen.kz.
ء«بىزدىڭ زاۋىتتىڭ ۇجىمى 76 جىلدىڭ ىشىندە العاش رەت جاڭا وندىرىستىك رەكوردقا قول جەتكىزدى. زاۋىتتا بىلتىر 5 ملن 473,5 مىڭ توننا شيكى مۇناي وڭدەلدى. بۇل – زاۋىت ىسكە قوسىلعاننان بەرگى ەڭ كوپ وڭدەلگەن مۇناي. مۇنداي جوعارى وندىرىستىك كورسەتكىش – كەڭ اۋقىمدى جاڭعىرتۋ جوباسىنىڭ جەمىسى. جاڭعىرتۋ جۇمىستارىنىڭ ءۇش كەزەڭى 2018 جىلى اياقتالدى. سونىڭ ناتيجەسىندە زاۋىتتىڭ مۇناي وڭدەۋ قۋاتى 5 ملن-نان 5,5 ملن تونناعا ارتتى. تەحنولوگيالىق قوندىرعىلاردى جاڭعىرتۋ سۇرانىسقا يە مۇناي ونىمدەرى ءوندىرىسىن جولعا قويۋعا, ەكونوميكالىق كورسەتكىشتىڭ وسۋىنە, سونداي-اق بيۋدجەتكە تۇسەتىن سالىق كولەمىنىڭ ۇلعايۋىنا ىقپال ەتتى» دەپ حابارلادى كاسىپورىننىڭ قوعاممەن بايلانىس ءبولىمى.