ادەپسىز مىنەز-قۇلقى ءۇشىن تابيعي مونوپوليالاردى رەتتەۋ كوميتەتىنىڭ سولتۇستىك قازاقستان وبلىسى بويىنشا دەپارتامەنتىنىڭ باسشىسى اباي بالابەكوۆ قىزمەتىنەن بوساتىلدى, دەپ جازادى Egemen.kz.
بەلگىلى بولعانداي, اعىمداعى جىلعى 26-قاڭتاردا مەملەكەتتىك قىزمەت ىستەرى اگەنتتىگىنىڭ سولتۇستىك قازاقستان وبلىسى بويىنشا دەپارتامەنتىنىڭ ادەپ جونىندەگى كەڭەس وتىرىسىندا سقو بويىنشا تمرك-نىڭ اۋماقتىق دەپارتامەنتىنىڭ باسشىسى اباي كليمەنوۆيچ بالابەكوۆتىڭ ادەپسىز مىنەز-قۇلقى قارالىپ, وندا ونى جۇمىستان بوساتۋ تۇرىندە تارتىپتىك جاۋاپكەرشىلىككە تارتۋ تۋرالى ءبىراۋىزدان شەشىم قابىلداندى.
وسىلايشا, ديسكوميسسيانىڭ ۇسىنىمى نەگىزىندە, ۇلتتىق ەكونوميكا مينيسترلىگىنىڭ اپپارات باسشىسىنىڭ 2022-جىلعى 31-قاڭتارداعى بۇيرىعىمەن اباي بالابەكوۆ قر ۇەم تابيعي مونوپوليالاردى رەتتەۋ كوميتەتىنىڭ سقو بويىنشا دەپارتامەنتىنىڭ باسشىسى قىزمەتىنەن بوساتىلدى.