WBO تۇجىرىمى بويىنشا ورتا سالماقتاعى الەم چەمپيونى, امەريكالىق دەمەتريۋس اندرادە مىندەتتى قارسىلاس جانىبەك الىمحان ۇلىمەن كەزدەسۋدەن باس تارتقان سوڭ وتانداسىمىز بوس قالعان بەلدىك ءۇشىن كىممەن كەزدەسەتىنى بەلگىلى بولدى, دەپ حابارلايدى Egemen.kz.
سونىمەن دەمەتريۋس اندرادە كاسىبي مانسابىن ەكىنشى ورتا سالماق دارەجەسىندە جالعاستىرۋ تۋرالى شەشىم قابىلدادى. مۇنداي جاعدايدا جانىبەك ءالىمحان ۇلى بوس قالعان بەلدىك ءۇشىن رەيتينگتە جوعارى تۇرعان بوكسشىمەن قولعاپ ءتۇيىستىرۋى كەرەك. الايدا مەكسيكالىق حايمە مۋنگيا 19 اقپان كۇنى اقش بوكسشىسى ديميتريۋس باللاردقا قارسى شارشى الاڭعا شىعادى. سوندىقتان رەيتينگتە ءۇشىنشى ورىندا تۇرعان برازيليالىق ەسكيۆا فالكاو جانىبەككە قارسى شارشى الاڭعا شىعۋى ءتيىس.