مەملەكەت باسشىسى قاسىم-جومارت توقاەۆ پوليتسيا جۇمىسىن «سەرۆيستىك مودەلگە» كوشىرۋدى تاپسىرعان بولاتىن, دەپ جازادى Egemen.kz.
تاپسىرمانىڭ ءوز دەڭگەيىندە ورىندالۋى ىشكى ىستەر ءمينيسترى ە.تۇرعىمباەۆ تاراپىنان قاتاڭ قاداعالانىپ, باقىلانۋدا. ياعني سىرتقى قۇرىلىم بولىپ سانالاتىن جانە حالىقپەن ۇنەمى بايلانىستا بولاتىن ۋچاسكەلىك ينسپەكتورلاردىڭ جۇمىسى ءجىتى قارالۋدا.
ينسپەكتورلاردىڭ جۇمىس كورسەتكىشى جوعارىلاۋ ءۇشىن جاعداي جاسالىپ, جابدىقتارمەن قامتاماسىز ەتىلۋدە. بۇدان بولەك الەۋمەتتىك جەلىگە رەسپۋبليكا كولەمىندە ىرىكتەلىپ الىنعان ۋچاسكەلىك پوليتسەيلەردىڭ سۋرەتتەرى مەن جەكە مالىمەتتەرى جاريالانىپ, ولارعا تۇرعىندار تاراپىنان باسىلعان ءلۇپىل مەن قولداۋ جازبالارى ساراپتالدى. ساراپتاۋ ناتيجەسىندە رەسپۋبليكالىق بايقاۋدا داۋىس بەرۋشىلەردىڭ پىكىرى بويىنشا تۇركىستان وبلىسى پوليتسيا دەپارتامەنتىنىڭ سارىاعاش اۋداندىق پوليتسيا ءبولىمىنىڭ ۋچاسكەلىك ينسپەكتورى نۇرلىبەك اسانحانوۆ «قالالىق جەردەگى پوليتسيانىڭ ۇزدىك ۋچاسكەلىك ينسپەكتورى» اتاندى. ال كەلەس اۋداندىق پوليتسيا ءبولىمىنىڭ ۋچاسكەلىك ينسپەكتورى بەكجىگىت اساباەۆ «ۇزدىك ۋچاسكەلىك پوليتسيا ينسپەكتورى» دەپ تانىلدى. ءتارتىپ ساقشىلارىنىڭ ماراپاتتارىن تۇركىستان وبلىسى پوليتسيا دەپارتامەنتىنىڭ باستىعى پوليتسيا گەنەرال-مايورى قايرات دالبەكوۆ بارلىق اۋداننىڭ پوليتسيا باسشىلارى جانە جەكە قۇرام جينالعان, جىل ىشىندە اتقارىلعان جۇمىستار قورىتىندىلانعان جيىندا تابىس ەتتى. ياعني «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالىمەن پوليتسيا كاپيتانى نۇرلىبەك اسانحانوۆ, ءبىر ساتى جوعارى پوليتسيا پودپولكوۆنيگى ارناۋلى اتاعى پوليتسيا مايورى بەكجىگىت اساباەۆقا, «قوعامدىق ءتارتىپتى ساقتاعانى ءۇشىن» كەۋدە بەلگىسى پوليتسيا پولكوۆنيگى داۋرەنبەك احمەتوۆكە بەرىلدى.
سونداي-اق رەسەي فەدەراتسياسىندا كاراتە-دو شوتوكاننان 9 مەملەكەت اراسىندا وتكەن الەم كۋبوگىندا قازاقستان رەسپۋبليكاسىنىڭ اتىنان جارىسقا قاتىسىپ, 68 كەلى سالماق دارەجەسىندە I ورىنعا يە بولعان پوليتسيا اعا لەيتەنانتى ايگەرىم نۋريدين, سامبو كۇرەسىنەن قر تاۋەلسىزدىگىنىڭ 30 جىلدىعى, قابانباي باتىردىڭ 330 جىلدىعىنا وراي سەمەي قالاسىندا وتكەن «قابانباي باتىر مەموريالى» رەسپۋبليكالىق تۋرنيرىندە ايەلدەر اراسىندا 65 كەلى سالماق دارەجەسىندە II ورىن العان پوليتسيا لەيتەنانتى اينۇر اقجىگىتوۆا, تۇركىستان قالاسىندا وتكەن «گرەپلينگ» كۇرەس تۇرىنەن [الىقارالىق تۋرنيردە 83 كەلى سالماق دارەجەسىندە جۇلدەلى 2-ورىندى يەلەنگەن پوليتسيا كاپيتانى جانىبەك ايداربەك العىس حات جانە كۋبوكتارمەن ماراپاتتالدى.
وبلىستىڭ باس پوليتسەيى بارلىق ءتارتىپ ساقشىلارىن جەڭىستەرىمەن قۇتتىقتاپ, قىزمەتتەرىنە تابىس پەن ساتتىلىك تىلەدى.