گەرمانيا كانتسلەرى ولاف شولتس ەلدە پاندەميانىڭ بەسىنشى تولقىنىنىڭ باستالعانى تۋرالى ەسكەرتىپ, بۇل كوروناۆيرۋستىڭ «وميكرون» شتامىنىڭ تارالۋىنا بايلانىستى بۇرىنعىعا قاراعاندا اگرەسسيۆتى بولۋى مۇمكىن ەكەنىن ايتتى, دەپ حابارلايدى Egemen.kz.
«مامانداردىڭ پىكىرىنشە, جاڭا شتامم باسقالاردان دا اگرەسسيۆتى. ۆاكتسينانىڭ ەكى دوزاسىن العان جانە اۋىرعان ادامدار ءۇشىن دە ونى جۇقتىرۋ قاۋپى جوعارى», دەدى گەرمانيا كانتسلەرى ولاف شولتس.
تاسس اتاپ وتكەندەي, جاڭا شتاممعا شالدىققاندار سانىنىڭ ءوسۋى اياسىندا ەلدە كوروناۆيرۋستىق ينفەكتسيانىڭ جاڭا جاعدايلارىنىڭ سانى ءبىرشاما ازايادى. شولتستىڭ پىكىرىنشە, بۇل قولدانىستاعى شارالار ءتيىستى اسەر ەتەتىندىگىن كورسەتەدى. الايدا, ءشولتستىڭ «وميكروننىڭ» تارالۋىنا بايلانىستى قول قۋسىراپ وتىرا بەرۋگە بولمايدى, ويتكەنى بۇل نۇسقاعا قارسى ۆاكتسينالاردىڭ تيىمدىلىگى تومەندەيتىنىن ايتادى. وسىعان بايلانىستى ول ەل تۇرعىندارىن الداعى مەرەكە كۇندەرى ساق بولۋعا شاقىردى.
گەرمانيا كانتسلەرى سونىمەن بىرگە كوروناۆيرۋستىق ۆاكتسيناتسيا ناۋقانى روجدەستۆو كۇندەرى بۇرىنعى رەجيممەن جالعاسادى دەپ سەندىردى. ونىڭ ايتۋىنشا, قاڭتار ايىنىڭ سوڭىنا قاراي 30 ملن بۋستەرلىك ەكپە جاساۋ جوسپارلانعان.
گەرمانيا كانتسلەرى مەن پرەمەر-مينيسترلەرىنىڭ جينالىسىنىڭ قورىتىندىسى بويىنشا 28 جەلتوقساننان باستاپ كوۆيدپەن ۆاكتسيناتسيالانعانىنا نەمەسە اۋىرعانىنا قاراماستان, 10-عا جۋىق ادام جەكە پاتەرلەر مەن ۇيلەردە جينالا الادى دەگەن شەشىم قابىلداندى. 14 جاسقا دەيىنگى بالالار ءۇشىن ەرەكشە جاعداي جاسالادى. كوپشىلىك جينالمايتىن ءىرى سپورتتىق, مادەني جانە باسقا دا ءىس-شارالاردى وتكىزۋگە بولادى. بۇكىل ەل بويىنشا كلۋبتار مەن بارلار جابىلادى.
روبەرت كوح ينستيتۋتىنىڭ مالىمەتى بويىنشا, گەرمانيادا كوروناۆيرۋستىق ينفەكتسيانىڭ راستالعان جاڭا جاعدايلارىنىڭ سانى سوڭعى تاۋلىكتە 23 428-گە ارتتى. ەپيدەميا باستالعاننان بەرى ينفەكتسيا 6 833 050 تۇرعىندا انىقتالدى. كوروناۆيرۋس تۋدىرعان اۋرۋدىڭ سالدارىنان 24 ساعات ىشىندە ەلدە 462 ناۋقاس قايتىس بولدى. گەرمانيادا پاندەميا كەزىندە قايتىس بولعانداردىڭ جالپى سانى 108 814-كە جەتتى.