ۇلىبريتانيالىق بەلگىلى پروموۋتەر ەددي حيرن WBO تۇجىرىمى بويىنشا ورتا سالماق دارەجەسىندەگى الەم چەمپيونى دەمەتريۋس اندرادەگە ءالى كۇنگە ۇلكەن جەكپە-جەك ۇيىمداستىرىپ بەرە الماي جۇرگەنىنە وكىنەتىنىن ايتتى, دەپ حابارلايدى Egemen.kz.
«دەمەتريۋسپەن وتە جاقسى قارىم-قاتىناستامىز. ءبىز وعان كوپ سومادا اقشا بەردىك. ۇلكەن جەكپە-جەكتەر ۇيىمداستىرۋ جولىندا جان اياپ قالعان جوقپىز. الايدا دەمەتريۋس اندرادەگە ۇلكەن جەكپە-جەك وتكىزەتىن مۇمكىندىك تابىلماي تۇر. بىراق مەن بار ىنتاممەن سول جولدا تەر توكتىم. بۇل مەنىڭ قولىمنان كەلمەي جاتسا دا, مەن ونىڭ ۇلكەن شايقاسقا شىققانىن كورگىم كەلەدى», دەدى پروموۋتەر.