يۋري پولسكي ازيا تەننيس فەدەراتسياسىنىڭ ديرەكتورلار كەڭەسىنە سايلاندى

قازاقستان تەننيس فەدەراتسياسىنىڭ ۆيتسە-پرەزيدەنتى يۋري پولسكي ازيا تەننيس فەدەراتسياسى (ATF) ديرەكتورلار كەڭەسىنىڭ مۇشەسى بولىپ سايلاندى. قازاقستاندىق 17 ۇمىتكەر اراسىندا كوپ داۋىس جيناپ كەڭەسكە ءوتتى. وسىلايشا, الداعى 2 جىلدا ازيا تەننيس فەدەراتسياسىنىڭ باسقارۋشى ورگانىندا ەلىمىزدىڭ وكىلى وتىرادى دەپ ايتۋعا بولادى. بۇل قازاقستاننىڭ تەننيس فەدەراتسياسى بەدەلىنىڭ جانە ونىڭ حالىقارالىق دەڭگەيدە جوعارى دارەجەدە ۇستاپ تۇرۋىنىڭ كەزەكتى دالەلى بولىپ سانالادى.«جاقىندا ATF وتىرىسى ءوتتى. بيىلعى جىلدىڭ ناتيجەلەرى مەن ازياداعى تەننيستى دامىتۋدىڭ 2022 جىلعا ارنالعان جوسپارلارى تالقىلاندى. ازيا سپورتشىلارىنىڭ ناتيجەلەرى اتاپ ءوتىلدى. ايتا كەتۋ كەرەك, قازاقستاندىق تەننيسشىلەر ءاردايىم جوعارى ورىندارعا يە بولىپ ءجۇر. اتاپ ايتقاندا, ەرلەر رەيتينگىندە ازيانىڭ ءبىرىنشى راكەتكاسى - الەكساندر بۋبليك, ايەلدەر رەيتينگىسىندە - ەلەنا رىباكينا ەكىنشى, ال يۋليا پۋتينتسەۆا ءۇشىنشى ورىندا تۇر. سونىمەن قاتار, رىباكينا توكيو وليمپياداسىندا كەرەمەت ونەر كورسەتتى, ول مەدالدار ءۇشىن تالاستا ءتورتىنشى ورىنعا يە بولدى. كەلەسى جىلى ازياداعى نەعۇرلىم بەلسەندى ىنتىماقتاستىق قاجەت ەكەنىن تالقىلاندى. قازاقستان تەننيس فەدەراتسياسىنا 12 جاسقا دەيىنگى جوبا – قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆ بولگەن قاراجات ەسەبىنەن بۇكىل الەم بويىنشا قارجىلاندىرىلاتىن كوماندالىق وڭىرلىك جارىستار ءۇشىن جەكە العىس ءبىلدىرىلدى. سونداي-اق, جىل سايىن نۇر-سۇلتان قالاسىندا بيىل 22-28 قاراشا ارالىعىندا وتەتىن 12 جاسقا دەيىنگى ازيا بىرىنشىلىگىنىڭ فينالى وتەدى. ءوز جۇمىسىمىزدا بالالار مەن جاسوسپىرىمدەر تەننيسىن دامىتۋعا ۇلكەن كوڭىل بولەتىن بولامىز. ازيا قۇرلىعى قارقىندى دامىپ كەلە جاتقان قۇرلىقتىڭ ءبىرى بولىپ سانالادى, الەۋەتىمىز زور», دەپ اتاپ ءوتتى پولسكي.

ەستەرىڭىزگە سالا كەتەيىك, ازيا تەننيس فەدەراتسياسى حالىقارالىق تەننيس فەدەراتسياسىمەن بايلانىستى كوممەرتسيالىق ەمەس ۇيىم. اتف - ازيا ەلدەرىنىڭ ۇلتتىق تەننيس قاۋىمداستىقتارىنىڭ كونتينەنتالدى ورگانى. نەگىزگى مىندەتتەرى ازيا تەننيسىنىڭ ساپا ستاندارتىن دامىتۋ جانە ارتتىرۋ بولىپ سانالادى.