25-29 قازان ارالىعىندا لوندون وليمپياداسىنىڭ چەمپيونى, ۆەل باركەر كۋبوگىنىڭ يەگەرى, قازاقستاننىڭ ەڭبەك سىڭىرگەن سپورت شەبەرى سەرىك ساپيەۆتىڭ جۇلدەسىنە ارنالعان 2006-2007 جىلدارى دۇنيەگە كەلگەن جاسوسپىرىمدەر اراسىندا بوكستان رەسپۋبليكالىق تۋرنير ءوتتى, دەپ حابارلايدى Egemen.kz.
2021 جىلعا ارنالعان سپورتتىق-بۇقارالىق ءىس-شارالاردىڭ كۇنتىزبەسىنە سايكەس ۇيىمداستىرىلعان جارىسقا 7 وبلىس اقمولا, الماتى, قوستاناي, پاۆلودار, سولتۇستىك قازاقستان, شىعىس قازاقستان, قاراعاندى وبلىستارى پەن نۇر-سۇلتان قالاسىنان كەلگەن 222 سپورتشى قاتىستى.
ءتورت كۇنگە سوزىلعان تۋرنير قورىتىندىسى بويىنشا قاراعاندى وبلىسىنىڭ كومانداسى 7 التىن, 6 قولا مەدال جەڭىپ الىپ, ءبىرىنشى ورىن الدى.
نۇر-سۇلتان قالاسىنىڭ جاس بىلعارى قولعاپ شەبەرلەرى 2 التىن, 2 كۇمىس, 2 قولا جۇلدەمەن ەكىنشى, پاۆلودار وبلىسىنىڭ كومانداسى 2 التىن, 2 قولا مەدالمەن ءۇشىنشى ساتىعا جايعاستى.
ال الماتى وبلىسى ء(بىر التىن, 6 كۇمىس, 5 قولا) ءتورتىنشى, اقمولا وبلىسى (1 التىن, 3 كۇمىس, 6 قولا) بەسىنشى, شقو ء(بىر التىن, ەكى كۇمىس, ءۇش قولا) التىنشى, قوستاناي كومانداسى ء(بىر كۇمىس) جەتىنشى, سقو (ەكى قولا) سەگىزىنشى ورىننان كورىندى.