ەلوردالىق پوليتسەيلەر ءبىر تاۋلىك ىشىندە 86 قىلمىستى ءىزىن سۋىتپاي اشتى. بۇل تۋرالى ەلوردالىق پوليتسيا دەپارتامەنتىنىڭ رەسمي وكىلى دانيار ورالوۆ ايتتى, دەپ حابارلايدى Egemen.kz.
«وتكەن اپتادا 115 قىلمىس جاسالدى. ونىڭ 86-سىن پوليتسەيلەر تاۋلىك ىشىندە اشتى. پوليتسيا دەنساۋلىققا اۋىر زيان كەلتىرۋگە بايلانىستى ءۇش قىلمىستى, 9 الاياقتىق فاكتىسىن, ەكى توناۋدى, ءبىر اۆتوكولىك ۇرلاۋدى, 25 بوتەننىڭ مۇلكىن ۇرلاۋدى جانە ەسىرتكىگە قاتىستى 13 قىلمىستى اشتى», دەدى رەسمي وكىل.
وتكەن اپتادا نۇر-سۇلتان قالاسىندا 594 جول-كولىك وقيعاسى تىركەلگەن. ءبىر ادام قازا تاۋىپ, 10 ادام اۋىر دەنە جاراقاتىن العان.
پوليتسيا دەپارتامەنتى جۇرگىزۋشىلەردى جولدا سەرگەك بولۋعا شاقىرادى.