سقو-دا ءۇش كولىك سوقتىعىسىپ, ءبىر ادام قازا تاپتى

سقو پوليتسيا دەپارتامەنتى قىزىلجار اۋداندىق پوليتسيا ءبولىمىنىڭ مالىمەتىنشە, جول-كولىك وقيعاسى بۇگىن ساعات 10.30 شاماسىندا «نۇر-سۇلتان-پەتروپاۆل» اۆتوجولىنىڭ بەسكول اۋىلى ماڭىنداعى كوپىرگە كوتەرىلەتىن جەردە بولعان.

«ۆاز-2112», «گاز 3507» جانە «گازەل» كولىكتەرى سوقتىعىسىپ, سالدارىنان «ۆاز-2112» كولىگىنىڭ 46 جاستاعى جولاۋشىسى مەرت بولدى.

«جول-كولىك وقيعاسى قر قك 345-بابى 3-بولىگىندە كوزدەلگەن قىلمىستىق قۇقىق بۇزۋشىلىق قۇرامىنىڭ بەلگىلەرى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. بارلىق زارداپ شەككەندەر مەديتسينا ۇيىمدارىنا جەتكىزىلدى», دەلىنگەن حابارلامادا.

وقيعا ورنىنا قىزىلجار اۋدانىنىڭ جەدەل-تەرگەۋ توبى شىقتى. ءتارتىپ ساقشىلارى سوتقا دەيىنگى تەرگەۋ بارىسىندا جول-كولىك وقيعاسىنىڭ ءمان-جايىن انىقتايتىن بولادى. قاجەتتى ساراپتامالار تاعايىندالدى.