قازاقستاندىق تەننيسشى زارينا دياس اقش-تىڭ ينديان-ۋەللس قالاسىندا وتەتىن اسا ءىرى حالىقارالىق ءتۋرنيردىڭ نەگىزگى بولىگىندە كۇش سىناسۋ قۇرمەتىنە يە بولدى, دەپ جازادى Egemen.kz.
الەمدىك رەيتينگتە 108-ورىندا تۇرعان جەرلەسىمىزگە وسىنداي مۇمكىندىككە يە بولۋ ءۇشىن ىرىكتەۋ سىنىنان وتۋگە تۋرا كەلدى. جارتىلاي فينالدا زارينا جاپونيالىق كۋرۋمي نارانى 6:4, 6:3 ەسەبىمەن ەش قينالماي جەڭدى. فينالدا بەلارۋسسيالىق ولگا گوۆورتسوۆامەن كەزدەستى. بۇل باسەكەدە دە ول باسىمدىق تانىتتى – 6:3, 6:3. ناتيجەسىندە زارينا الداعى كۇندەرى وسىنداي ءدۇبىرلى دودادا ۇزدىكتەرمەن سايىسقا تۇسەدى.
زارينا دياستان بولەك, اقش-تاعى تۋرنيردە ەلەنا رىباكينا مەن يۋليا پۋتينتسەۆا دا ونەر كورسەتەدى. سونداي-اق, ميحايل كۋكۋشكيننىڭ دە ايتۋلى جارىسقا قاتىسۋعا مۇمكىندىگى بار. ول ءۇشىن وتانداسىمىز ىرىكتەۋ ءتۋرنيرىنىڭ فينالىندا امەريكالىق ەرنەستو ەسكوبەدونى ۇتۋى كەرەك.