بۇگىن ازاماتتىق باستامالاردى قولداۋ ورتالىعىنىڭ الاڭىندا اقپارات جانە قوعامدىق دامۋ ۆيتسە-ءمينيسترى بولات تلەپوۆتىڭ توراعالىعىمەن ۇكىمەتتىك ەمەس ۇيىمداردىڭ وكىلدەرىمەن كەزدەسۋ بولىپ ءوتتى, دەپ جازادى Egemen.kz.
مينيسترلىك تاپسىرىسىمەن جۇزەگە اسىرىلعان جوبالاردى ورىنداۋ بارىسى تۋرالى ماسەلەلەر تالقىلاندى.
بولات تلەپوۆ الەۋمەتتىك ماڭىزدى ماسەلەلەردى شەشۋدە ءوزارا ءىس-قيمىلدىڭ ماڭىزدىلىعىن اتاپ ءوتتى.
«گرانت الۋشى بولۋ – ۇلكەن جاۋاپكەرشىلىك قانا ەمەس. ازاماتتىق باستامالاردى قولداۋ ورتالىعى جۇمىس ىستەيتىن بارلىق جوبالار الەۋمەتتىك جۇكتەمە تۇرعىسىنان وتە ماڭىزدى. جوبالار شەڭبەرىندە مىندەتتەردى ورىنداۋ كەزىندە ۇەۇ ءتۇرلى كەدەرگىلەرگە تاپ بولادى. ءبىز بۇگىن وسى ماسەلەلەر تۋرالى بىلۋگە, ولاردى شەشۋ جولدارىن ازىرلەۋگە جينالىپ وتىرمىز», دەدى ۆيتسە-مينيستر.
ءوز كەزەگىندە ۇەۇ وكىلدەرى دەنساۋلىق ساقتاۋ, قۇقىقتىق جانە پسيحولوگيالىق كومەك, قوعامدىق باقىلاۋ جۇيەسى, ۆولونتەرلىك قىزمەت, تاريحي جانە مادەني نىسانداردى ساقتاۋ, الەۋمەتتىك كاسىپكەرلىك, مەدياتسيا سالالارىندا حالىقتى قولداۋعا باعىتتالعان جوبالاردىڭ ىسكە اسىرىلۋ بارىسى تۋرالى حاباردار ەتتى.
ازاماتتىق باستامالاردى قولداۋ ورتالىعىنىڭ توراعاسى ليما دياس پاندەمياعا بايلانىستى ەنگىزىلگەن شەكتەۋ شارالارىنىڭ سالدارىنان جوبالاردى جۇزەگە اسىرۋ قارقىنى كۇيرەمەگەنىن اتاپ ءوتتى.
«قازىرگى تاڭدا ءبىز 51 جوبانىڭ وپەراتورى بولىپ وتىرمىز. بارلىق جوبالار شەڭبەرىندە 187,5 ملن تەڭگە سوماسىنا 298 شاعىن گرانت بەرۋ جوسپارلانعان. ارىپتەستەرىمىزبەن كەرى بايلانىس ارقىلى ءبىز ەپيدەميولوگيالىق جاعدايدىڭ ناشارلاۋىنا بايلانىستى قىزۋ جۇمىستىڭ كوبى جازدان كۇزگى كەزەڭگە كوشىرىلگەنىن كورىپ وتىرمىز. سوندىقتان قازىر ءبىز جۇزەگە اسىرۋ قارقىنىن ارتتىرىپ كەلەمىز», دەدى ول.
ءىس-شارانىڭ قورىتىندىسى بويىنشا ازماتتىق باستامالاردى قولداۋ ورتالىعىنىڭ قارجىلىق كومەگىمەن ىسكە اسىرىلاتىن جوبالار بويىنشا ارالىق قورىتىندىلاردى تىڭداۋ تۋرالى شەشىم قابىلداندى. تالقىلاۋدىڭ كەلەسى راۋندى قازان ايىنا جوسپارلانعان.
كەزدەسۋگە «TALAP» قولدانبالى زەرتتەۋ ورتالىعى», «قازاقستاننىڭ ازاماتتىق اليانسى», «قوعامدىق ماڭىزدى باستامالار قورى», «ۇلتتىق ۆولونتەرلىك جەلى», «الەۋمەتتىك تالداۋ جانە ىنتىماقتاستىق ورتالىعى», «اقتوبە وبلىسىنىڭ ۇكىمەتتىك ەمەس ۇيىمدارى قاۋىمداستىعى», «مير» ايماقارالىق مەدياتسيا ورتالىعى», «ازاماتتىق باستامالار ورتالىعى», ۇەۇ-لار مەن «ماڭعىستاۋ وبلىسىنىڭ قوعامدى دامىتۋ ماسەلەلەرى جونىندەگى ازاماتتىق اليانسى» قاۋىمداستىعى تۇرىندەگى زتب مەن «قىزىلوردا ۆولونتەرلەرى» قق وكىلدەرى قاتىستى.