ءبىزدىڭ ەل دە وراق ناۋقانىن اياقتاپ قالدى, دەپ حابارلايدى Egemen.kz.
سولتۇستىك قازاقستان 3,1 ملن توننا استىق جينادى. قازىر مۇندا دالا جۇمىستارىنىڭ 99,8%-ءى اياقتالدى. ديقاندار گەكتارىنان ورتاشا ەسەپپەن 10,6 تسەنتنەردەن ءونىم الىپ جاتىر. استىقتى ءوڭىر بىلتىر دا, بيىل دا 4,3 ملن گەكتارعا ەگىن ەككەن. بىراق بيىلعى ءونىم كولەمى بىلتىرعىداي ەمەس.
وتكەن جىلى گەكتارىنا 15 تسەنتنەردەن اينالىپ, 4,5 ملن توننا استىق جينالعان ەدى. بىراق ديقاندار بيىلعى قۋاڭشىلىقتا وسى مەجەنىڭ ءوزى ۇلكەن جەتىستىك دەپ وتىر.