«قازاقستاننىڭ وڭدەۋ ونەركاسىبى اپتالىعى» حالىقارالىق كورمەسى اشىلدى

جالپى 10 000 شارشى مەتر كورمە الاڭىندا قازاقستان رەسپۋبليكاسى مەن تاياۋ شەتەلدەردىڭ يندۋستريالىق دامۋى سالاسىنداعى جەتىستىكتەرى ۇسىنىلعان. قازاقستان, رەسەي, اقش, جاپونيا, ۇلىبريتانيا, شۆەتسيا, شۆەيتساريا, قىتاي, دانيا, بەلارۋس, پولشا, چەحيا, گەرمانيانىڭ 200-دەن استام كومپانيالارى ماشينا جاساۋ, تاۋ-كەن مەتاللۋرگيا كەشەنى, حيميا ونەركاسىبى, اعاش وڭدەۋ جانە جيھاز ونەركاسىبى, قۇرىلىس ماتەريالدارى ءوندىرىسى جانە سۋ يندۋسترياسى سالالارىنداعى جاڭا ونىمدەرىن ۇسىنىپ وتىر. قاتىسۋشىلار قاتارىندا SaryArkaAutoprom, Agromashholding, Hyundai Trans Kazakhstan, KazAzot, Tengizchevroil, Vericut, Mitutoyo, HEXAGONMI, ESAB, Grundfos Kazakhstan, QuantRobotics, Kazakhmys, Penetron-Kazakhstan, ArcelorMittal, Kulan OilKidel, Kilit OilTel, KSPC, قازاقستان ەلەكتروليز زاۋىتى, KELET, الماتى اۋىر ماشينا جاساۋ زاۋىتى, W&T Group جانە تاعى باسقالارى بار. ۇجىمدىق ستەندتەر اياسىندا رەسەي فەدەراتسياسى ايماقتارىنىڭ كاسىپورىندارى دا ءوز ونىمدەرىن ۇسىندى: سۆەردلوۆ وبلىسى, باشقۇرتستان رەسپۋبليكاسى, ۋدمۋرت رەسپۋبليكاسى جانە پەنزا وبلىسى.