سولتۇستىك ماكەدونيادا الاپات ءورت بولدى. ەلدىڭ تەتوۆو قالاسىندا كوروناۆيرۋستان ەمدەلۋشىلەرگە ارنالعان اۋرۋحانا ورتەنىپ كەتتى, دەپ حابارلايدى Egemen.kz.
جەرگىلىكتى «بەسىنشى ارنا» باسىلىمىنىڭ حابارلاۋىنشا, جالىن بىرنەشە مينۋت ىشىندە بۇكىل عيماراتتى شارپىعان. 15 ادام قازا تاپتى.
باسىلىمنىڭ حابارلاۋىنشا, تاعى 20 ادامدى اۋىر كۇيىك شالعان. ناۋقاستار كورشى سكوپە قالاسىنىڭ اۋرۋحانالارىنا جەتكىزىلدى.
ءورت سوندىرۋشىلەر ءورتتى بىرنەشە ساعات ىشىندە اۋىزدىقتادى.
الدىن الا بولجام بويىنشا ءورتتىڭ تۇتانۋىنا وتتەگى ءتسيليندرىنىڭ جارىلۋى سەبەپ بولعان.