سولتۇستىك قازاقستان وبلىسىندا ەكى اپتانىڭ قورىتىندىسى بويىنشا Ashyq جوباسىنىڭ جاڭا كوشباسشىلارى انىقتالدى, ولاردىڭ سانى 30-عا جۋىق, دەپ حابارلايدى Egemen.kz سقو كاسىپكەرلەر پالاتاسىنىڭ رەسمي سايتىنا سىلتەمە جاساپ.
«جوباعا قوسىلعاندار سانى كۇننەن-كۇنگە ارتىپ كەلەدى. اۋىلدا دا سۇرانىس بار. العاش رەت بىردەن 28 جەڭىمپازدى تىركەپ وتىرمىز. ولاردىڭ بارلىعى قوسىمشا جەڭىلدىكتەرگە يە بولادى. ياعني, ولاردىڭ جۇمىس ۋاقىتى ۇزارتىلادى», - دەيدى سقو كاسىپكەرلەر پالاتاسىنىڭ ساراپشىسى ولگا دوستلەر. وسى جولى Ashyq بويىنشا ۇزدىك ناتيجە كورسەتكەندەردىڭ 11-ءى – قوعامدىق تاماقتانۋ ورنى, 8-ءى – ءبىلىم بەرۋ مەكەمەسى, 3-ءۋى – دەمالىس نىسانى, ەكەۋى – فيتنەس ورتالىق جانە ءبىر-بىردەن مونشا كەشەنى مەن سپا-ورتالىق.
«قازىرگى ۋاقىتتا QR-كود 2355 نىسانعا بەرىلگەن, ونىڭ 2207-ءسى جوبانىڭ تولىققاندى مۇشەسى. 148-ءى تەستىلەۋ رەجيمىندە جۇمىس ىستەپ جاتىر. بۇل جولى ەشقايسىسىن جوبادان شىعارعان جوقپىز. ويتكەنى, ونىڭ ارتىقشىلىعىن كاسىپكەرلەر ءتۇسىنىپ جاتىر. ولار قوسىمشانى قولدانۋ ارقىلى قاۋپسىز جاعدايدا جۇمىس ىستەيدى», دەيدى سقو كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ ءبولىم باسشىسى قانات شامسۋتدينوۆ. پەتروپاۆلداعى ءىرى ساۋدا-ويىن-ساۋىق ورتالىقتارىنىڭ ءبىرى ەكى اپتانىڭ ىشىندە 70 مىڭ كەلۋشىنى تىركەگەن.