قاسىم-جومارت توقاەۆ اريزونا ۋنيۆەرسيتەتىنىڭ (اقش) دەلەگاتسياسىمەن بەينەبايلانىس رەجيمىندە كەزدەستى. كەزدەسۋ بارىسىندا اريزونا ۋنيۆەرسيتەتى مەن وتاندىق جوعارى وقۋ ورىندارى اراسىنداعى ستراتەگيالىق سەرىكتەستىك, عىلىمي جانە اكادەميالىق دامۋ ماسەلەلەرى تالقىلاندى, دەپ جازادى Egemen.kz اقورداعا سىلتەمە جاساپ.
پرەزيدەنتتىڭ ايتۋىنشا, جاھاندانۋ ۇدەرىسىنىڭ الەم ەلدەرىندەگى ءبىلىم بەرۋ ساياساتىنا تيگىزەتىن اسەرى ارتىپ كەلەدى.
«كەيىنگى جيىرما جىل ىشىندە ەلىمىز جوعارى ءبىلىم بەرۋ سالاسىنداعى حالىقارالىق ىنتىماقتاستىقتى جانداندىردى. قازاقستان مەن اقش اراسىنداعى سەرىكتەستىك قاتىناستار كوپتەگەن سالانى قامتيدى. اسىرەسە, عىلىمي زەرتتەۋ جانە ستۋدەنتتەر مەن وقىتۋشىلار الماسۋ سالالارىنداعى ىقپالداستىق ماڭىزدى سانالادى», دەدى مەملەكەت باسشىسى.
قاسىم-جومارت توقاەۆ الەمنىڭ جەتەكشى جوعارى وقۋ ورىندارىمەن بايلانىستىڭ كەڭەيۋى وتاندىق ۋنيۆەرسيتەتتەردىڭ اكادەميالىق جانە زەرتتەۋشىلىك الەۋەتىن ارتتىرۋعا مۇمكىندىك بەرەتىنىن ايتتى. پرەزيدەنت اريزونا ۋنيۆەرسيتەتىنىڭ قر ءبىلىم جانە عىلىم مينيسترلىگىنىڭ ستراتەگيالىق سەرىكتەسى بولۋ, سونداي-اق, ءبىلىم بەرۋ ساپاسىن بىرلەسە ارتتىرۋ جونىندەگى باستاماسىنا قولداۋ ءبىلدىردى.
امەريكالىق جوعارى وقۋ ورنىمەن ىنتىماقتاستىق اياسىندا وڭىرلىك ۋنيۆەرسيتەتتەر بازاسىندا حالىقارالىق ستاندارتتارعا ساي بىرلەسكەن ءبىلىم باعدارلاماسى ازىرلەنەدى.
ايتا كەتەيىك, اريزونا ۋنيۆەرسيتەتىنىڭ وكىلدەرى قازاقستاننىڭ بىرقاتار جوعارى وقۋ ورىندارىنا باردى. سونىڭ ىشىندە م.قوزىباەۆ اتىنداعى سولتۇستىك قازاقستان ۋنيۆەرسيتەتى ستراتەگيالىق سەرىكتەس رەتىندە قاراستىرىلىپ وتىر.