پرەزيدەنت قاسىم-جومارت توقاەۆ دارىندى جاس ءانشى رۋحيا بايدۇكەنوۆانى بەلارۋس رەسپۋبليكاسىنىڭ ۆيتەبسك قالاسىندا وتكەن «سلاۆيانسكي بازار» بايقاۋىنداعى سەنىمدى جەڭىسىمەن قۇتتىقتادى. بۇل تۋرالى پرەزيدەنتتى ءباسپاسوز حاتشىسى بەرىك ءۋالي جازدى, دەپ حابارلايدى Egemen.kz.
«الەمنىڭ كوپتەگەن ەلىنىڭ كىل مىقتى تالانتتارى قاتىسقان وسىناۋ ايتۋلى بايقاۋدا كورسەتكەن ونەرىڭىز – ءسىزدىڭ كاسىبي دارالىعىڭىزدىڭ, تابيعي دارىنىڭىز بەن ارتىستىك شەبەرلىگىڭىزدىڭ ايقىن دالەلى», دەدى قاسىم-جومارت توقاەۆ ءوز قۇتتىقتاۋىندا.
مەملەكەت باسشىسى رۋحيا بايدۇكەنوۆانىڭ تابىستى ونەر كورسەتۋى تاۋەلسىزدىگىمىزدىڭ 30 جىلدىعى قارساڭىندا بارشا قازاقستاندىقتارعا جاساعان تاماشا تارتۋ بولدى دەپ سانايدى.