سولتۇستىك قازاقستان وبلىسىندا جىل باسىنان بەرى ءتۇرلى سەبەپتەرمەن پاسپورتسىز جۇرگەن 37 ادام قازاقستان ازاماتى اتانىپ, پاسپورت الدى. ولاردىڭ 1974 جىلعى ۇلگىدەگى كەڭەستىك پاسپورتىنىڭ كۇشى جويىلعان, تۋ تۋرالى كۋالىگى جوعالعان. بۇل تۋرالى وبلىستىق پد ءباسپاسوز قىزمەتى حابارلادى, دەپ جازادى Egemen.kz.
جالپى پەتروپاۆلدىڭ الەۋمەتتىك بەيىمدەۋ ورتالىعىنا قۇجاتى جوق 75 ادام جۇگىنگەن. ولار ءومىر بويى قازاقستاندا تۇرىپ كەلگەن, مەكتەپتى اياقتاپ, جۇمىس ىستەگەن. بارلىق قۇجاتتارى: تۋ تۋرالى كۋالىگى مەن 1974 جىلعى ۇلگىدەگى پاسپورتى ەرتەدە جويىلعان.
سولتۇستىك قازاقستان پد كوشى-قون قىزمەتى ولاردىڭ بۇرىنعى تۇرعىلىقتى جەرىنە سۇراۋ جىبەرىپ, بىلەتىن ادامداردىڭ كۋالىگىنە جۇگىنگەن. بۇرىننان قازاقستان ازاماتى ەكەنىنە كوز جەتكىزگەن سوڭ عانا پاسپورت بەرگەن.
ء«ومىردىڭ قيىن جاعدايىنا تاپ بولىپ, ءوز ۋاعىندا سايكەس ورگانعا جۇگىنە الماعان بىزگە كوشى-قون قىزمەتىندەگى قاجەتتى قۇجاتتاردى تەزىرەك جيناۋعا كومەكتەسكەن, كەيىن قىسقا مەرزىم ىشىندە ءبىزدى قازاقستان رەسپۋبليكاسىنىڭ ازاماتى دەپ تانىپ, جەكە كۋالىك بەرگەن ادامدارعا العىس بىلدىرەمىز», دەپ جازىلعان سقو پد باستىعى, گەنەرال-مايور مارات تولەباەۆتىڭ اتىنا جىبەرىلگەن ءبىر حاتتا.
دەگەنمەن مۇنداي ادامدارعا اسا ساقتىقپەن قاراعان ءجون سياقتى. ورالماندارعا ءتۇرلى سىلتاۋمەن جىلداپ پاسپورت بەرمەيتىن ورگاندار 30 جىل بويى قازاقستان ازاماتتىعىن العىسى كەلمەگەندەرگە نەلىكتەن ەلگەزەكتىك تانىتا قالاتىنىنا دا تاڭ قالاسىڭ...
سولتۇستىك قازاقستان وبلىسى