قاسىم-جومارت توقاەۆ قاراعاندى وبلىسىنىڭ, الماتى, شىمكەنت قالالارىنىڭ, اقتوبە, سولتۇستىك قازاقستان جانە ماڭعىستاۋ وبلىستارىنىڭ اكىمدەرىن جەكە-جەكە قابىلدادى, دەپ حابارلايدى Egemen.kz.
جەڭىس قاسىمبەك, باقىتجان ساعىنتاەۆ, مۇرات ايتەنوۆ, وڭداسىن ورازالين, قۇمار اقساقالوۆ جانە سەرىكباي ترۇموۆ پرەزيدەنتكە وزدەرى باسشىلىق جاسايتىن وڭىرلەردىڭ جىل باسىنان بەرگى نەگىزگى الەۋمەتتىك-ەكونوميكالىق كورسەتكىشتەرى تۋرالى ەسەپ بەرىپ, ايماقتاردى ودان ءارى دامىتۋدىڭ پەرسپەكتيۆاسى جونىندە باياندادى. بۇدان بولەك مەملەكەت باسشىسىنا وڭىرلەردەگى سانيتارلىق-ەپيدەميولوگيالىق جاعداي تۋرالى مالىمەت بەرىلدى.
قاسىم-جومارت توقاەۆ وبلىستاردىڭ جانە رەسپۋبليكالىق مارتەبەسى بار قالالاردىڭ باسشىلارىنا الەۋمەتتىك ماڭىزى بار تاۋارلار باعاسىنىڭ ارتۋىنا جول بەرمەۋگە قاتىستى جانە باسقا دا بىرقاتار ناقتى تاپسىرما بەردى.