بۇگىن بەلگىلى رەسەيلىك جۋرناليست, حالىقارالىق شولۋشى, تاريحشى لەونيد ملەچين قاسىم-جومارت توقاەۆتىڭ قازاقستان پرەزيدەنتى لاۋازىمىنا سايلانعانىنا ەكى جىل تولۋىنا وراي ءوزىنىڭ YouTube ارناسىندا اۆتورلىق حابارىن جاريالادى, دەپ حابارلايدى Egemen.kz پرەزيدەنتتىڭ ءباسپاسوز حاتشىسى بەرىك ۋاليگە سىلتەمە جاساپ.
«اۆتور «كازاحستان مەجدۋ روسسيەي ي كيتاەم. 2 گودا پرەزيدەنتا توكاەۆا» دەپ اتالاتىن دەرەكتى جوبادا قازاقستان باسشىسىنىڭ ساياسي باعىت-باعدارى جونىندە ءوزىنىڭ وي-پىكىرىن ورتاعا سالعان. ول قاسىم-جومارت توقاەۆتىڭ باستاماسىمەن قولعا الىنعان رەفورمالار تۋرالى عانا ەمەس, سونداي-اق, مەملەكەت باسشىسىمەن كەزدەسكەندە العان ءوز اسەرى جايلى دا ەگجەي-تەگجەيلى اڭگىمەلەيدى», دەلىنگەن ب. ءۋاليدىڭ جازباسىندا.