قالالارداعى اۋانىڭ جوعارى دەڭگەيدە لاستانۋى, قتق پوليگوندارىنىڭ ناشار جاعدايى جانە جايىلىم جەرلەرىنىڭ توزىپ كەتۋى. سەناتور ءابدالى نۇراليەۆ ءوزىنىڭ دەپۋتاتتىق ساۋالىندا وسى جانە باسقا دا ەكولوگيالىق وتكىر پروبلەمالارعا نازار اۋداردى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
«قازىرگى ۋاقىتتا ەلىمىزدەگى بار 3 مىڭنان استام پوليگوندا 125 ملن توننادان اسا قاتتى تۇرمىستىق قالدىقتار جينالعان. بۇل پوليگونداردىڭ 82%-ى ەكولوگيالىق جانە سانيتارلىق نورمالارعا ساي كەلمەيدى. «قازاقستان عارىش ساپارى» كومپانياسىنىڭ عارىشتىق مونيتورينگى شەڭبەرىندە ەلىمىزدە جىلدار بويى زاڭسىز قوقىس ورىندارىنىڭ كوبەيۋى انىقتالىپ, ولاردى جويۋ شارالارى تولىق شەشىمىن تاپپاي وتىر», دەدى ءابدالى نۇراليەۆ.
سونىمەن قاتار ول ماسەلەنى كورسەتىپ قانا قويماي, ولاردى شەشۋدىڭ ىقتيمال جولدارىن ايتتى. سەناتور اتاپ ايتقاندا مەكتەپتەرگە ەكولوگيالىق تاربيەنى قارقىندى تۇردە ەنگىزۋدى, اۋانىڭ تازالىعىنا ارنالعان ارنايى زاڭ جوباسى مەن تۇرمىستىق قالدىقتاردى قايتا وڭدەۋ جانە جويۋ جونىندەگى مەملەكەتتىك باعدارلاما ازىرلەۋدى ۇسىندى.