ماڭعىستاۋ وبلىسىندا 2 ماۋسىم كۇنى ساعات 18.00 شاماسىندا الەۋمەتتىك جەلىلەرگە اقىلى جولعا نارازى توپ جولدى جاپتى دەگەن ۆيدەولار تاراي باستادى. بۇل اقپاراتقا قاتىستى جاعدايدى ماڭعىستاۋ وبلىسىنىڭ پوليتسيا دەپارتامەنتىنىڭ وكىلدەرى ءتۇسىندىردى, دەپ حابارلايدى Egemen.kz.
دەپارتامەنتتىڭ ءباسپاسوز قىزمەتىنىڭ حابارلاۋىنشا, بۇل جالعان اقپارات.
«گاز تاسىمالدايتىن كولىكتىڭ اقتاۋ قالاسىنا قاراي بۇرىلىپ, مانەۆر جاساعان ءساتى بەينەجازباعا تۇسكەن. گاز تاسىمالدايتىن كولىكتىڭ جۇرگىزۋشىسى, ن. ەسىمدى اقتاۋ قالاسىنىڭ تۇرعىنى ءوزىنىڭ مۇنايلى اۋدانىنا قاراي بارا جاتقانىن جانە جارتى جولدا قالاعا قايتۋعا شەشىم قابىلداپ, «ت-ءتارىزدى» رەتتەلمەيتىن قيىلىستا بۇرىلىس جاساعانىن جەتكىزدى. الايدا, بۇرىلۋ مانەۆرىن جاساۋ كەزىندە گاز تاسىعىش كولىك توقتاپ قالىپ, سوعان بايلانىستى جاساندى كەپتەلىس پايدا بولدى», دەلىنگەن حابارلامادا.
كەپتەلىس ورنىنا كەلگەن پوليتسيا قىزمەتكەرلەرى ساناۋلى مينۋتتاردا گاز تاسىمالدايتىن كولىكتىڭ جۇرگىزۋشىسىنە بۇرىلۋعا كومەكتەستكەن. بۇل رەتتە جۇرگىزۋشى ەشقانداي جول قوزعالىسى ەرەجەسىن بۇزباعان.
الەۋمەتتىك جەلىلەردە تاراتىلعان بەينەجازبادا كورسەتىلگەن جولدىڭ جابىلۋى تۋرالى فاكت راستالمادى.