سولتۇستىك قازاقستان وبلىسىنىڭ مەرگەن اۋىلىندا ءبىر ءۇيدىڭ 9 جانە 11 جاستاعى ەكى بالاسى سۋعا باتىپ كەتتى, دەپ حابارلايدى Egemen.kz.
كوپبالالى وتباسى اۋىل ىرگەسىندەگى كولگە بارىپ دەمالماق بولعان. اناسى كەنجەسىن ەمىزىپ وتىرعاندا ءۇيدىڭ ۇلكەن قىزى مەن ۇلى سۋعا شومىلماق بولىپ, باتىپ كەتكەن. ءبىر ساتتە ەكى پەرزەنتىنەن ايرىلعان ايەل ولاردى نازاردان تىس قالدىرعانىن ايتىپ وتىر.
تج وكىلدەرىنىڭ مالىمەتىنشە, ۇلدىڭ دەنەسىن سۋدان وگەي اكەسى الىپ شىققان.
«اناسىنىڭ ايتۋىنشا, ول ءۇيدىڭ كەنجەسىن ەمىزۋ ءۇشىن پالاتكاعا كىرگەن ەكەن. وزگە بالالار وسى ساتتە قاراۋسىز قالعان. سىرتقا قايتا شىققاندا جاعادا ەس-ءتۇسسىز جاتقان ۇلىن كورگەن. ال, كۇيەۋى بۇل ساتتە قىزدى ىزدەپ قايتا سۋعا تۇسكەن», دەيدى سقو بويىنشا تجد باسشىسىنىڭ ورىنباسارى مۇران كانگۋجينوۆ.
قىزدىڭ دەنەسىن سۋدان قۇتقارۋشىلار الىپ شىقتى. الدىن الا بولجام بويىنشا, سۋدىڭ استىندا شۇڭقىرلار كوپ بولعان, جۇزە المايتىن بالالار سول جەرگە ءتۇسىپ كەتكەن.
بەلگىلى بولعانداي, قايعىلى وقيعا بولعان ساتتە بالالاردىڭ وگەي اكەسى ماساڭ كۇيدە بولعان.