تۇركىستان وبلىسىنىڭ تاۋلى ايماعىندا ىزدەستىرىلىپ جاتقان ەكى ءتۋريستىڭ بىرىنە تيەسىلى سومكە وگەم وزەنىنىڭ بويىنان تابىلدى, دەپ حابارلايدى Egemen.kz تۇركىستان وبلىسى تجد ءباسپاسوز قىزمەتىنە سىلتەمە جاساپ.
تجم قۇتقارۋشىلارى تابىلعان سومكەنى پوليتسيا قىزمەتكەرلەرىنە تابىستاعان. قازىرگى ۋاقىتتا جوعالعان ەكى ءتۋريستى ىزدەۋ جۇمىستارى جالعاسۋدا.
«ايماققا «قازاۆياقۇتقارۋ» اق 2 تىكۇشاعىمەن اەروۆيزۋالدى بارلاۋ جاسالۋدا. ىزدەۋ جۇمىستارىنا تۇركىستان وبلىسى تج دەپارتامەنتىنەن, پوليتسيا دەپارتامەنتىنەن, ۇقك شەكارا قىزمەتىنەن, ورمان شارۋاشىلىعىنان, وزبەكستان رەسپۋبليكاسى تجم جەكە قۇرامىنان 73 مامان, 12 بىرلىك تەحنيكا جانە جوعالعان تۋريستەردىڭ تۋىستارى جۇمىلدىرىلدى. ىزدەۋ جۇمىستارى سەگىز باعىت بويىنشا جۇرگىزىلۋدە», دەيدى تۇركىستان وبلىسى تجد ءباسپاسوز قىزمەتى.